تعذبني مواجع مـن مواجـع بعضهـا اسـرار=فضحني بعض وجـهٍ منهـا مايخفـي الامـي
تحاصرني مخاوف مثل ليـلٍ طـوق الانـوار=لبس وجهه مدينـه خاليـه واترابهـا ضامـي
حبست الدمع بعيون التعب جمره عن الانظـار=حرقها ماشعرت اكثر مواجع جرحـي الدامـي
هجرت ولانفع هجري رجعت وجابنـي تذكـار=علـى اول واخـر من يشتـت جمعـة المامـي
يناديني حنين الذاكره صـوت اغنيـة سمـار=تعد اللي مضى واللي بقى مـن عمـر لايامـي
وذكرى مركبٍ مهمل على الساحل وظل بحـار=قبل وقت الغروب وفي غناه الشاجـي الهامـي
وقفت اناظر اوجاع السنيـن بزحمـة الافكـار=على وجهٍ يشيل من التعب في ماقـف اقدامـي
حزن كل الجهات بنظرة الشاقي مـن الاسفـار=عتب كل القصيـد وماكتبـت بذاكـرة عامـي
اطالع للوجيه وفي عيونـي يسكـن استفسـار=عن اللي يقبل بوجه الرضا وبقلبـه اخصامـي
عرفت الحب كذبه تختلقهـا حاجـة المشـوار=وكفرت بكذبةٍ تسرق سنينـي لحظـة اهيامـي
وجع قلبي وجع قلبـي حبيبـه مااقـول اقـدار=كتب حزن المشاعر نوتةٍ يعزف بهـا انغامـي
بديت احلم طعن حلمي بخنجر صدتـه وانـدار=سرق من دنيتي اجما سنيني بعثـر احطامـي
اغض من النظر مقدر اطالـع واقعـي ينهـار=قبـل لايقتـرب منـي فـرح يقتـال قدامـي
والوح بالكفـوف الخاليـه الا مـن الاشعـار=وابعثر في تراكيم الثرا مـن مجمـل احلامـي
انادي للقلوب وبعضها اقسـى مـن الاحجـار=فلا تشعر بصـوتٍ يحتويـه الحـزن مترامـي
خذيت من التسامح والمحبه بالطبـاع اشعـار=ولايعني خضـوع ولاسكوتـي يعنـي الجامـي
امثـل دور ذاتـي ماامـثـل بالخـيـال ادوار=رفيقي دفتري يوم القلم فـي يـدي احسامـي
يسوق الريح من ريح المطر بشرى قدوم امطار=عسى يقبل على مـن خايلـه ماجنبـه حامـي
عشان كليب يعرف شيمة الفارس مهو غـدار=لذا جاه الغدر في صدتـه مـن كفـة الرامـي
مهو في كل حال ان السكينه تسبـق الاعصـار=اعرف الموقف اللي فيه اوقف واكرب احزامي

علي المبرد

صح السانك

جميل ما وجدته لك هنا

ننتظرمفيدك
فلاتحرمنا جديدك

المشاركة الأصلية كتبت بواسطة سفير المعاني (المشاركة 290109) الغالي الشاعر علي المبرد حياك الله واهلا وسهلا بك والله انه يسعدك ولقد اسعدني ان اكون اول المصافحين لمصافحتك الاولى هذه القصيده الاجمل من جميله والرائعه بما تحمله من شعر ومعاني وتصوير من شاعر متمكن وصح لسانك وعلا شانك مليون ولايكفون تقبل تحياتي