اعـد الـدقـائـق بالـثـوانـي يـا وجـه الـخـيـر= ونـفـســي بـعـد غـيـبتـك ما هي بـمـرتـاحـه

أنا فـي غـيابـك كـن وقـتي ما هـو بـيـسيـر= أشـوف الـسنيـن أعجـاف ما هـي بمـزاحـه

أشـوف الأمـانـي يـوم تـذبـل بـحـكم الغــيـر= ومـات الــنخـيـل اللي فـطـر كـبـد فــلاحـه

ذبحـه الـجـزم من يوم شـاف الحـلام تصيـر= بعـيـده عـن أعـيـونــه والاهــوام ذبـاحــه

حـزيـن ٍ ورأسـه شـاب من مـوجة التفـكيـر= يـلـوم الـزمـان اللـي سـلـب مـنه أفــراحـه

بـكى ليـن جـف الـدمع من عـقب كان يحير = وايـديـنه عـلى الـخـديـن بتـقـول مـساحـه

يشـوف الـحـرار النـادرة من سـماه تـطـيـر= مـن أوكـارها مـن شـــان تـيــنـه وتـفـاحـه

عـوامـل زمـن تـخـفي مـلامح تبي تـفـسـير= وحتى المـفـسر ضاع نهجـه ومصباحـه

صحيح الهـروج تروج لكن تبي تـشـفـيـر= تـخـاطــب عــقــول ٍ نـيـرات ٍ ولـمـاحــه

تخـاطـب هـديـر الـمـوج بـالـود والـتـقـديـر =وتـسـأل مـغـاويـص البـحـر وين؟ سباحه

وتـسأل ضـميـر الحي ليش يحصل تقصير= يـجاوب ضمير الحـي ما هـو بـفـي راحـه

وبعـض أجـوبـتهـم ما نحـصل لها تـبـريـر= تـجــي تـو خــلاق الله مــره وفــضـاحــه

مصيبـه زمـان الـعـولمه عـاكـس ٍ الـسـيـر= يـهـشـم صــدور ويـقـتـل أمــال بالـراحــه

ويسلب حـقـوق ويـدفـن السر وسـط البيـر= ويـضحـك على الباكـيـن ويـوثـق وشـاحه

ويفـرض قـوانـينه ويشـرط بـدهـن السـير = وحـكـم الـقـوي نـافـذ ومـسراه مسـراحـه

ياقـصـه تـبـي مـخــرج وفـنـان للـتـصـويـر= ومنتج يناقـش بعـض الأوضاع فالـساحـه

وهـذا هـو الـمـوجــز والايـام شــر وخـيـر= وبـاب المـعـرفـه ضـاع قـفـلـه ومـفـتاحـه

مهدي بن مسفر

صح السانك واعتلى شانك

جزل ووافي...نتمنى منك التواصل بكل جديد

دمت بود ولك مني اطيب تحيه