زان وجه الشوارع بعد هل السحاب000وقام يلعب من الفرحه جريد النخل
أقدم لكم هذه الابيات عسى أن تنال على رضاكم زان وجه الشوارع بعد هل السحاب=وقام يلعب من الفرحه جريد النخل وطشت الارض ملبوس الزعل والعتاب=ولا بقا في مناكبها عتاب وزعل كنها يوم تبديلي طوال الرقاب=دوب تمشي من الشبعه وثقل الحمل برقها ينشد وهزت رعدها جواب=وهزته تنثر الما فالجبل والسهل وقامت الارض تشرب سيلها بانسياب=لين رويت وباقي سيلها مانزل وقام يمشي على شعبانها مايهاب=إيتداحم ويزبد إزبدان الفحل والحزن عن وجيه الناس ولا وغاب=عقب فضل الكريم الفرد عزّ وجل وكل إنسان طايع خر ساجد واناب=يشكر الله ودمعه للرحيم انهمل ياحمد ذي طرات العمر شيب وشباب=طاعة الله سبحانه بحسن العمل وسجت الرجل مابين السهل والهضاب=لاختلط ريح الارض إبقحويان ونفل احسن من المدن والضيق والاكتئاب=والعلوم الخفاف اللي تغث وتعل تالي الوقت يازين الغتر والثياب=والعقال المتين اللي ماتحته عقل قد عرفنا مثايل طيبين الجناب=اللي اقولها تنسف جميع الحيل ماتبنّا بيوتٍ ساسها من خراب=ولوّ بنيت ليا جار الزمن ماتظل وماجحدت الرجال املينين الصعاب=بالسياسه وحسن اخلاقها والثقل مير يانجد طيبي عقب نو السحاب=ماتوصف وصوفك رسمنا والجمل احسن الوصف تصويرك بوسط الكتاب=الحقيقه هي احسن وصف خل الجدل وسلامتكم |
الغالي
الشاعر علي بن عامر الله يسعدك ويوفقك لما فيه الخير اسعدني ان اكون اول المصافحين لهذه القصيده الرائعه بما تحمله من معاني من واقع تم تصوير ه بهذا بالنص الجميل وصح لسانك وعلا شانك مليون ولا يكفون وتقبل تحياتي |
مير يانجد طيبي عقب نـو السحـاب ......ماتوصف وصوفك رسمنـا والجمـل علي بن عامر صح السانك وبيض الله وجهك دمت بكل الود |
علي بن عامر
لله درك على هذه الدره هذي بنت المطر صح السانك يابوعادل تحياتي,, |
ابوعامر
صح لسانك على هذه الرائعه تحياتي . |
علي صح لسانك جزل ياعلي
|
صح السانك ولي رجعه
قصيده جزله من شاعر جزل لاهنت اخوووك مقيم |
صح السانك
قصيده رائعه |
علي بن عامر
ابيات جزله و جميله من شاعر جميل جاءت مع المطر فأروت الذائـقه المتعطشه لقراءة مثل هذه النصوص الجميله .. دمت بحفظ المولى ،، |
سفير المعاني صح بدنك ولاهنت على المرور الكريم
وانت دائما تسعدني بمرورك وتوقفني حييّاً بلطف عبارتك تحياتي |
الساعة الآن 08:04AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية