هذه قصيدة في رثاء الأمير طلال الرشيد ... رحمه الله ,
قالها الشاعر الكبير / عبد الله بن نايف بن عون العتيبي . حفظه الله


وا عيني اللي ماتهنت بهمــــــــلاج
عن نومها أزعجها البيان المفاجي


امسيت في صدري من الوجد وهاج
ومما دها عزمي تكدر مزاجـــي


لا وا طــــلال اللي عليه القضى راج
واقفى عن الدنيا طليق الحجاجي


فيه الحسايف عقبت فيّ سوهــــاج
والا القضى مالي عليه احتجاجي


مرحوم ياللي لك بالأمجاد منهــــــاح
يالصافي الشهم السماح الهجاجي


عسى مقرك يا سند كل محتــــــاج
في جيرة اللي من هل النار نـــاجي


الصبر يا شمّر مفاتيح الأفــــــــــراج
عند الفراق اللي شرابه همــــاجي


الله يجبر كسركم عقب هــــــــــداج
ريف الضعيف اللي يجيه متـــــلاجي


والكسر مايجبر اليا جاء بالأمهــــــاج
وجرح المنية مــا لقي له عــــــلاجي


يا ضلع اجا تدعيك ابانات وســــــواج
وسلمى تحثك يمنهن بالــــــرواجي


تبي تواسي بالعزى ذيك الأبــــــراج
وتزعج عبايرها بذيك الهبــــــــاجي


ولو سيلت بدموعــــــها ازراج الأزراج
تعذر اليا نــاحت سراج الـــــــدياجي


ياليت لأخذ الثار بالشيخ مـــــــــدراج
كان أنتخي وأنخى فهــــود الزراجي


ويفاجي أهل ( الجلف ) والنور مانباج
جمع يفرقهم وهم بالمحـــــــــاجي


جمعٍ يجي له فوقهم عرك وعــــــلاج
لين تغدي ذيك الصحاري عجــــاجي


تاخذ سنه والذيب فيها اليـــــــــا داج
زاده رخى ما يلتفت للنعـــــــــاجي


يالحايلي كانك على الشيخ مخـــلاج
خذني معك يسند خلاجك خلاجي


لو البكاء نوع من أنواع الإزعــــــــــاج
ويزيد من نبش الجروح اللـــــــواجي


قدامنا سعدون للدمــــع زعـــــــــاج
ولا ردت الدمعة عقاب العــــــــواجي

طلال لاهنت على مانقلت

الله يرحمه كل يقدره ويحبه

واما عبدالله بن نايف بن عون فشاعر

وافي جزل بيض الله وجه

وصح السانه

تقبل مروري وتحياتي

قصيدة جزلة

وهي من شاعر له مقامه في الشعر

الشاعر عبدالله بن عون

في آميرا" وشهم كطلال الرشيد رحمه الله تعالى

وما أكثر الاشخاص نحتاج الى جبر لكسورنا في فقدهم

،،،،،،،،،،،

الاخ

طلال العلي

تحياتي وتقديري لوجودك بيننا