بسم الله الرحمن الرحيم

السلام عليكم ورحمة الله وبركاته

يسعدني ان أقدم لكم هذه القصيده المتواضعه من جديدي

واتمنى ان تحوز على رضاكم..

لمشاهدة المقطع
×
×
http://www.youtube.com/watch?v=Ytuu5KzEKOQ

يازين حبك حقيقه (حب أبوطقه)=اللي مع الوقت لازم شمعته تطفي
حاولت أرقيه وأذكر قلت لك رقه=حاولت أصفيه لكن مانوى يصفي
ماتعطي العاشق المفتون بك حقه=تعطيه شي(ن) قليل(ن) حيل مايكفي!
الجرح لامن برا وسعت له شقه=أحييت كل الألم به كل مايغفي
والوصل تنشب حقيقه دوم في حلقه=تسعى بتصعيب دربه لانوى يلفي
حتى اتصالك يليته لو يجي دقه.!=جوالك امن المشاعر صاير(ن) معفي
خلك بكيفك وحبك زيد في حرقه=روح بطريقك مدام ان الولي يشفي
خذ ما بدا لك وقلبي يالغلا بقه=والجرح في داخله معه الأسف مخفي
حبك سبب حالتك قررت أنا شنقه=وش خانة الحب كان اشعورنا مطفي.؟
تلقى من الناس مثلك بارد(ن) نقه=أما أنا حمل حبك كاسر(ن) كتفي!
(طقك مرض)والمرض حبك بعد طقه=ابعد وخلك شبيه لحالة المنفي..