|
اب الصباح
الليل طفلً فاطمه يافاطمه اب الصباح=ياأم هذا الطفل ذاك الصبح من اب الطفل! يااجمل صباحات الوجوداللي توجدته وراح=تهديني ارموز العقد هو به احد غيري يفل الله ولا رد الصدى لاجاك مع صوت الرياح=كن الصدى يردلك تصيح ولا تصطفل صدرن تفجر هاجسه وأمطر تضجر وأستباح=وأنبت علامات التعجب وانت يشموم ونفل الليل ليلً سرمدي يلوذبه من لستراح=يومن غيره للغواني راح ليله فل . فل ماغيرك احدن حط في قلبي ياقلبي له مراح=واليوم رحت ولا بقى من روحتك جوري وفل للقلب باب ولا طرى بعدك عليه الأنفتاح=من رحت والمفتاح في يدك وأنا قلبي قفل ابسئلك مادام طفل الليل يتغذى الجراح=ابسئلك ياالمحتفل باالله وش به تحتفل البارحه قام يتصاعد كل مابي لين طاح=من مابروحي هلت ادموعي على بدرً افل قد عفت معنً شفت به جدي تحول للمزاح=وقد شفت وجه الصبح في وجهك ولاكنه جفل ياسيدة كل العذارى والصبايا والملاح=هو فيه وصفً لنوصف في غير وصفك قد نفل يابنت من ينطح زبونه يوم ناداله وصاح=الكافل اللمن ينتخي يوم ان غيره ماكفل عليك فصلت المعاني من معاني لك وشاح=توسمتلك ياسمي ((الدر))ماجاتك غفل يامشعل حروفي فكر فكري لكم برقً ولاح=ماترحم اللي لاح لك براق فكره وانعفل جيتك على غيم الشعور بليلةً جابت صباح=يا أم هذ الصبح ليه اليتم اب لهـالطفل؟ |
الغالي
الشاعر سرداااااار الله انه يسعدك ويوفقك بجميع اوقاتك بكل خير ولقد اسعدني ان اكون من اول المصافحين لهذه القصيده الرائعه من شاعر متمكن وله باع طويل وصح لسانك وعلا شانك مليون ولايكفون تقبل تحياتي |
الشاعر القدير سردار اطيب تحيه مدخل روووعه واتقان بمعنى الكلمه اعجبنى ماسيضل هنا تحت عنواان ((اب الصباح)) فعلا شاعر متمكن ولاتحرمنا ابداعك وجديدك :r::r: |
الشاعر المبدع / سردار
صح لسانك مدد بلا عدد وبيض الله وجهك على هذه الجزاله بأنتظار ما يفيض به قلمك تقبل مروري لا عدمتك |
ابوحسين
لاغرابه مميز كالعاده بس لي عندك طلب فكنا من ذالخط نبي خطك الاول خلنا نقرا ونمخمخ على القصيده مانبي ناخذ بالبيت الواحد ساعه وحنا اندور مخارج الحروف. خصوصاً عاد انا ادور عليك اي هفوه عشان اعزمك في مقص الرقيب بس ادري ماني لاقي شي. مميز كالعاده يابوحسين تحياتي . |
هلا اخوي سر دار
الله يعطيك العافيه يارب كل حرف هنا يستحق الكتابه بماء الذهب بإختصار اتويت شعرا ً صح لسانك مدد بلا عدد ودي ومحبتي |
سر دار
صح السانك لاتغير الخط يابو حسين......ماعليك من العذال انا من اول كلمه بالبيت اقرا الباقي وانا مغمض لسلاسة قصيدك وعذوبته تحياتي,, |
ايها الراقي سرد دار ..
شاعر له حضور يستهوى جميع متابعيه مبدع ايها القدير فصح لسانك وعلاشانك تألق وتميز وابدع موفق بأذن الله الله يعطيك الف عافيه ... تحياتي وشكري الكبير لك |
سفير المعاني
ويسعدك يارب\اخي الفاضل تتقزم الأحرف والكلمات لجود\ثنائك فأ؟هلاً بمرور النقاء من هنا\شرفت(اب لصباح) بتواجدك . حافضك ربي. وأطيب التحايا |
صح لسانك الشاعر القدير سر دار
ولاهنت ودام بوحك تحياتي |
| الساعة الآن 05:48AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية