|
كأنها تقول لي:- قولي .. !!
بسم الله السلام عليكم ورحمة الله . . [النص هذا في طفلة عمرها سنة وشهر], بنت أختي كأنها تقول لي قولي .. من فرط الجمال اللي تباهى طفلة في محلّها وللمشي ما حلّها .. وبمناسبة الجنادرية (ألبستها أمها لباس ديرتي ) فخلبت عقلي وسلبت فؤادي فَ .. [حفظها الله ورعاها وأصلحها] وحفظ عليكم فلذات أكبادكم .. , ولأني فجأة أنا جيت ../ جبت معي نصّيْ :) ويكون هذا عهدي بكم حتى أجدد العهد.... فــ نا آقول : وش أقول وقدامك مراية .. فرقك عن الناس .. فرق البصير وفاقد أعيانه! كل الجمال اللي أشوفه.. .. كاهو تشوفينه .. ! عينك تمتلي منك .. وعيني عليك البارد أجفانه وهــ , البهااا اللي على الوجه يفرق .. كل البشر تحمل اوجيه إلا ملامحك تفرق ! / \ / طارت طيور الناس تحذير .. لا مر زولك والعيون تبتل لله در القلوب ..اتصير !! إن الأوادم تهلك وتقتل ؟!!!!! مُرّي مرَّ السحاب تمطير !! مُرّي مرَّ المواكب السامية ~تفتل~ منك الحيا .. ومن حولك الأحيا تحايت وأوزن لك المدح بحَيا : / \ / لا أرتوى غصن الشذاب وفاح بوحه يبقى .. به العرق واصل الساس من عِز أصل الجنوب لآخر الدوحه يبقى "الأحد" فينا وافي الراس / \ / جيتي فصيلة دم ما مثلها شي حتى تقاسيم الوجود يندر وجوده جيتي وإذا جيتي يستحي الضي حتى الشجر يرتج, يكثر سجوده / \ / خضاب كفّـك توت وجنون .. ومد المصافح إلـ يمينك يبوس .. وان ظنوا ان مثلك ترا يحلمون قبضتك إلـ شمالك عطر "بووس" / :- .. « boss » / \ / تكفين ياللي لعبتي في قلوبنا لعب لا تحسبيها من ألعابك بها تلعبين ظاعت اعلوم المهمين والشعب حتى الثقيل إلطلتك يمحي الجبين ... أكتفي .. وسلامتكم |
الاخت الشاعره القديره شمايل
الله يحرس بنت اختك من عيون الخلق ويحفظها يارب <<<وده تشوفها صح لسانك ولاهي غريبه عليك هالابيات الشامخه يالشامخه ودي واحترامي لك |
شمايل
الله يخلي الصغير التي هيضتك ويحفضها لمغليها والله لايهينك على كل حرف كتبتيه واسعدني تواجدي في متصفحك الاكثر من رائع تحياتي |
وأنا أقول ياربي وش هالنور يامرحبا والله بشمولتي قولي قولي فكم حروفك جدا بديعة ، استهويها فكيف إذا كانت برشونه يالبى قلبها ماألومك وبعد خضاب ..ماشاء الله الله يحفظها وكل غالينك من كل شر يارب صح لسانك ودمتي لي ليلي وايت |
السلام عليكم جميعاً ..
العزيزة لينا ؛ أهمس لك:- أحب الشاعرين ولست منهم ,, لعلي أجد منهم [بيت قصيد/ بيتين .. .. أو يمكن قصيدة :) ... .. .. .. :d ومتى على عيني تنكتب فيني قصيدة :d شكرا لإطرائك ومرورك العذب شكرا لهذه الطلّة الجميلة جداً.. |
الشاعر : الغناوي ..
شكرا لك بحق .. شكرا لكل حرف خططته هنا .. هذا كرم منك بالغ .. وشكر الله لك دعاءك .. وحفظ لك وعليك .. وشكرا جداً جداً . |
ليلي وايت :
طابت دنياك وطبتِ بها .. قراءتك كريمة .. وترحيبك كريم .. وبشاشتك أفرحتني .. كوني هكذا دوماً يا خويتي .. ودمتِ بخير وأحسن حال. |
مُرّي مرَّ السحاب تمطير
شمايل الله يسعدكم ويحفظكم من كل شر ويطول أعماركم إن شاء الله كلمات هذا النص مثل السحاب اللي يمطر بديمة ممتع للغاية ومبهج ومفرح حتى لذوي الطفلة بشكل رهيب وهذا الشيء أنا متأكد منه وما أجمل زرع البسمة والأمل والسعادة في حياة الآخرين سواء بقصيدة أو خاطرة أو حتى بكلمة لطيفة الضنى غالي ومن يحب ضناك أكيد بتحبه فما بالك عندما يقوم بإهدائه أعذب الكلمات وأروعها راقية وذوق يا شمايل تحياتي باريسي |
خضاب كفّـك توت وجنون ..
ومد المصافح إلـ يمينك يبوس .. وان ظنوا ان مثلك ترا يحلمون قبضتك إلـ شمالك عطر "بووس" / نعم عندما ينزل الغيم يصافح انامل الطفوله سـ يغدق عليها من المطر مايبلل خضابها نص كبير شمايل للحضور روعه هنا ملائكية الح ـرف تفرد جناحيها محلقه بالألق نبض قلمك يصل لسماء الذائقه شكرآ للحضور الوارف شمايل وشكرآ لـ طفلة المطر عندما أغرت الغيم بالهطول تحيتي |
لله در القلوب ..اتصير !!
إن الأوادم تهلك وتقتل ؟!!!!! شمايل تخيلنا معك أحداث هذه الصور الأبداعية وكأننا نشارك مكانك ونصفق لكلاكما أنت مخرجه رائعه لهذا لآبداع تحياتي وتقديري لك |
| الساعة الآن 12:45PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية