السلام عليكم ورحمة الله وبركاته واسعد الله اوقاتكم بكل خير واعتذر على الغياب
واضع هذه القصيدة المتواضعه بين ايديكم اتمنى ان تحوز على رضاكم واستحسانكم

فكري اللي سرى كنه من الوصف وارد شفر = داعسٍ في ظلام الليل يبدع وطرقه يجود
يوم يطري على بالي من الناس واحد نفر = ماتذكر صديق ولا تذكر عدوٍ لدود
ما أذكر الا حبيبٍ عقبه الدار صارت قفر = أتوجد عليه وكل رجواي عله يعود
هاضني من شمال المجمعه من جنوب الحفر = وسط مظهور والدهناء بشرقي رمال النفود
صاحبٍ من جنوب المملكه جعل ذنبه غفر = حب وانحب وأمر الله على الارض نوه ونود
عقب ماهو على صما السويدا بحبه حفر = راح وأثار حبه كنها النحت فوق الحيود
حالةٍ كنها ليله كشفها بياح السفر = تنكشف لي خوافي الليل واشوف كل الحدود
كنه الصيد في محمية الصيد ضبيٍ عفر = ماينوشه هوى القناص لو طال كل البنود
وكني العسكري ظلمه على يد ضابط خفر = إجتهد والحصيله شافها من عيون الحسود
وكن صدري شهق نسمه وبالضيق مل وزفر = ولاقدر يشهق الاخرى من الشوق صابه جمود
وكن قلبي كما قدرٍ من النار فار وطفر = فار من ضيقته والصبر كمل ولافيه فود
ياهل العون كان العون يطرى بعز وظفر = قربوا مولع الملتاع منه بحبل وقيود
شدو حبال وصله في يدي مايلاقي مفر = ولا يلاقي لبعدي من ردى الناس هرج وصدود
طال مشوار فكري فيه والله وطال السفر = وكل قافٍ يسجل له من الوجد ضمن الشهود

وكل قافٍ يسجل له من الوجد ضمن الشهود

فهد سالم الفهاد

يسعدني باني اول من صافح هذه
القصيده التي حروفها من الورد
وكأن المسامع تشم زهور نرجسها
صح بوحك ولاهنت
تحياتي,,

المشاركة الأصلية كتبت بواسطة خيّالـها (المشاركة 253668) وكل قافٍ يسجل له من الوجد ضمن الشهود فهد سالم الفهاد يسعدني باني اول من صافح هذه القصيده التي حروفها من الورد وكأن المسامع تشم زهور نرجسها صح بوحك ولاهنت تحياتي,,

المشاركة الأصلية كتبت بواسطة شبيب السبيعي (المشاركة 253684) اشهد انه فهد سالم بطيب المعاني ظفر منفرد في حروفه راقي ٍ باالقصيده سنود يعطيك العافيه .. بوح رائـــــــــــــــــــــع ولقد وجدت نفسي من شدة استمتاعي بقصيدتك اجاريها ببيت .. تقبل مروري

المشاركة الأصلية كتبت بواسطة سفير المعاني (المشاركة 253768) الغالي الشاعر فهد سالم فهاد الله انه يحييك ويسعدك ويوفقك للخير اسعدني ان اكون من ضمن المصافحين وما تحمله هذه القصيده الاجمل من جميله والاروع من رائعه كل بيت مليئ بالشعر الحقيقي وليس هذا غريب منك صح لسانك وعلا شانك مليون ولا يكفون وتقبل تحياتي