صفر زايد صفر قولوا كم يساوي=ذي نتيجة واحد(ن)مبطي نخيته
راحوا أهل الطيب ماليهم شلاوي=وين تلقي واحد(ن)توحي بصيته
يارفيقي خابرك سواق هاوي=هات جيبك وشوف بنزينه أوزيته
مانخاوي الاأنت ولا لانخاوي=كم طريق(ن)معك يالطيب مشيته
أبنسج الجيب مع قاع(ن)خلاوي=وننتحي عن ناس ظلامه بهيته
عالم(ن)ما من وراها الا البلاوي=الردى ميدانها اللي مهتويته
ردت الايام صفحات الدعاوي=طبعها تهديك شى(ن)مابغيته
والله اني ماقضيت العمر غاوي=مرضي(ن)نفسي وربي ماعصيته
وش اسوي فيك يالحض الشقاوي=كل درب(ن)فية مصلوح(ن)عطيتة
وكل ماقلت بتحقق لك مناوي=جابت الايام شي(ن)ماهقيته
مايضيع الرجل غير أمن الهقاوي=ومن بنى له بيت حلم يهد بيته

الغالي
الشاعر
محمد جازي القثامي

الله انه يسعدك ويوفقك لمافيه الخير
اسعدني مروري ان اكون ضمن المصافحين لمتصفحك
وما يحمله من شعر له معنى ومضمون خاص بك جسدته
بهذه القصيده وليس الابداع بغريب على شاعر مثلك
وما اقول الاصح لسانك وعلا شانك مليون ولا يكفون

المشاركة الأصلية كتبت بواسطة خيّالـها (المشاركة 252824) محمد جازي القثامي صح بوحك ولاهنت تحياتي,,

المشاركة الأصلية كتبت بواسطة غنج بدوية (المشاركة 252826) محمد جازي القثامي يعطيك العافية ياارب قصيده جزله وراائعه صح لساانك ،، وعسااك على القووة تحياتي

وكل ماقلت بتحقق لـك منـاوي
جابـت الايـام شي(ن)ماهقيتـه
مايضيع الرجل غير أمن الهقاوي
ومن بنى له بيت حلم يهـد بيتـه

بيتين عن قصائد
تعتبر درس ثمين في الحياة
لاهنت وتشكر على هالجزلة
تحياتي
باريسي

المشاركة الأصلية كتبت بواسطة شبيب السبيعي (المشاركة 252831) صفر زايد صفر قولو كم يساوي ~~~ ذي نتيجة واحد ٍ مبطي نخيته الله .. تعبير عن خيبة الظن بشخص معين في غاية الروعه محمد القثامي صح السانك