|
الزبده
لمن سبب دعوتي لهذا المنتدى الجميل باهله و بتصنيفه للشعر
تعبت ادور حالي بنفس حالي ...........من خبرك الي تذكره يابو مشهور يافالح اتعبني الخيال الخيالي ........اغيب.. والرغبه تحسسني..( احضور) تعبت ..ضاقت نزعتي باحتمالي ........ اسعف فمي يالاجودي وانت ماجور بالله يالذيب.. الصديق.. الشمالي ............قلي ..وقولك عند الاجواد ماثور متى اريّح بالحياة... انشغالي .....والاصل بيت من الشعر والعمر دِوور والشارع الي ما عكس بي اظلالي ..........ورصيف متعلم وصاخه من السور يعني الطريق الي غدابي..غدالي ........والليل ممشى.. والسما مابها نور وهذا ابتعادي مالقا بي بدالي ....وروحي و مافيها من احساس.. مكسور يالحظةن ما جاوبت بي سؤالي ........وش لي بها والحب ماينزف اشعور لاتسهره ليلك.. طلب للمعالي ...........قبلك ابو الطيب ذبل عند كافور لااصرت بيدين العبيد الموالي ...........حاول تخلي اخر العمر مقصور من دون شي ن مايرد ابتهالي .........ولاينكر المعروف وولايزكي الزور اطعوني اطعوني سفر لاغتيالي ............. ماعاد يافالح للايام..دستور حاولت اسولف للضياع ارتحالي .......وسكت.. يوم ان الحكي كله اقصور فيني سلام ن لو خطرلي ببالي .........ماظن لو هب الهوى طار عصفور لكني احتاج الرضا راس مالي ......وماني حريص اخذ من االمقفي الشور ماحب اخلي للهدوء.. انفعالي ........وازعل وانا من المحتمل كنت مسرور ابعترف.. في حالتي وانعزالي ..........واقول صار الحب لا ريش لا طيور واطير في اخر مدار احتيالي ........بـ خيرة خفيه واكشفت كل مستور ياصاحبي يسعد صباحك ترا لي .........من سنين واقفني انا وصرت طابور |
الغالي
الشاعر ناصر مشاري الشعلان الله انه يسعدك ويوفقك بجميع اوقاتك بالخير ولقد اسعدني ان اكون اول المصافحين لهذه القصيده الرائعه بمعانيها والاجمل من جميله وصح لسانك وعلا شانك مليون ولايكفون وتقبل تحياتي |
قصيد فاخره ولا تعادلها اي قصيده بجماليتها
الله يسعدك ويخليك تقبل مروري دمت بخير |
ناصر
صح بوحك ولاهنت تحياتي.. |
صح لسانك
ولاهنت دمت بود عبير الروح |
يعطيك العافيه ابومشاري
بوح جداً متميز .. .. ننتظر الجديد دمت بخير |
ارجو تعديل اسم القصيدة ل ( الزبدة )
لطفا لا امرا |
ناصر . اسعد الله اوقاتك نص به ل الشعر حضور ..وللأحساس شجن ..غربة روح ..عزفت على اوتار الحروف ..نغمات ألأبداع نص كقطعه من العود الكمبودي ..كلما اتقد الجمر ..زاد فوحاً يعطر الذائقه ...صوره دانات شعر ..وحكمه اضواء فكر ناصر كنت هنا ..واستمتعت بما قرأت ..تحياتي ودمت بخير |
ناصر مشاري الشعلان
يعطيك الف عافية يارب وصح لساانك ،، وعساك على القووة قصيده نالت الاعجاااب الف شكر لك تحياتي |
كلمات رائعة اخي ناصر
صح لسانك ولاهنت تحياتي |
| الساعة الآن 04:35PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية