ياصايـغ الخاتـم بفنـك تسويـه=مايطلبـه مـن مطلبـن لا تهابـه
احضر من الياقـوت درن يحليـه=ومن الذهـب مايستحقـه جنابـه
خله غريب الصنع ما حدن يضاهيه=الاسنـا برقـن بليلـن سـرابـه
ماهو خساره كل مـا يندفـع فيـه=لاصارمال العيب عنـده طلابـه
لاصارمثل السيـف يبترمعاديـه=الحق (سله) و (الامانـه )نصابـه
ابغـاه نادرمـاش خاتـم يحاليـه=حتى يزيد الكـف قـدر ومهابـه
الخاتم الـي زينـه كـف راعيـه=الكف زين وزاد زينـه خضابـه
خاتم غلامن صافي الـود مهديـه=دام الهديه من عصـور الصحابـه
اهديه للـي خافـق القلـب يغليـه=من زود شوقه ما تحمـل غيابـه
الغالي الي خافـق سعـود مغليـه=لاشاف زوله شرع القلـب بابـه
يفزلـه لا حـل فالكـون طاريـه=فز الصويب الي شديـدا ًصوابـه
صواب سهمن راعي القوس راميه=لوالهدف في نايـد البعـد صابـه
من الغزال الـي يشـوق تخطيـه=الي مع اهل الزين يحسب حسابـه
الزين كامل والوفـا مـن مباديـه=وعقلـن حكيمـن لسمـو ارتقابـه
من غيرهذاكـل فرضـن يصليـه=ويمدحبل الوصـل بيـن القرابـه
ما ينقل من الهرج قولـن يوديـه=هرج النميمه والـردا مـا مشابـه
هذي وصوفه كل ماجيـت احليـه=فخـراً لمنهـو فالـزوم اعتزابـه
سويتلـه قافـن مـن الشعرناقيـه=وجريت صوتي مع سبيب الربابـه
قافن فهيـم العقـل دايـم يراعيـه=كنه مخيلن ينحـدر مـن سحابـه
قال المثل خل السهم عنـد باريـه =حتى يميز ويـن مصـدر عيابـه
ياطول ماسهرت عيوني وناجيـه=واسري على معناه مسرى الذيابـه
لوطال عهد الود ما نيـب ناسيـه=وان جيت بنسى طيف الافكارجابه