يالله يامنزل تبارك والاعراف= ياحي ياقيوم فيك الرجاوي
رفعت لك نظرت عيوني والاكفاف= استنجدك وحدك قديرٍ و قاوي
يامنزلٍ هدّيك على خير الاشراف= من لوحك المحفوظ هديٍ سماوي
يارب يامحيي هميدٍ بالارياف= اللي لواه من اشهب القيظ لاوي
ياهاديٍ عبدك وياشافيٍٍ كاف= يادافعٍ بمرك عظيم البلاوي
ياجاعل الجنه سكن عابدٍ خاف= والنار مثوى كل ظالم وغاوي
وحدك عليك المشتكى وانت الانصاف= انا جريح الوقت وانت المداوي
همي بناله حدر الاضلاع مشراف= عليه سرحان المقادير عاوي
يارب لاثقل الحمل فوق الاكتاف = تجعل مقاضيب السعد له عراوي
عبدك عليل وعاف من كثر ماشاف= اضحى على موت الامل والهقاوي
كن الامل جاني والاقدار سياف= واصبحت قصه في ملفات راوي
لوشحت بعيون الطنا قدم الاسلاف= الوقت همش مثمرات العزاوي
اضحت عقب ذيك الزماليق صفصاف= لافيه جمالٍ ولا فيه شاوي
كل الهقاوي عودت حرد وعجاف= طواه من قل التوافيق طاوي
لاباس ياكبدٍ عليهااا الغثا طاف = اللي جرالك ماجرى للجلاوي