والله أني أحبك وأكرهك من غلاك = وكل نبضه بقلبي ماتبيك وتبيك
والله أني أحبك وأكرهك من غلاك = وكل نبضه بقلبي ماتبيك وتبيك والله أني شربتك من ضماك لضماك = لين جفت عروقي ماقدرت أرتويك ودي أنسى عذابي وأذكر أنـي جريـح=كل ماجيت أبنسـى طاولتنـي جـروح ياحبيبً عشقته كان تبغـى الصحيـح=أنت نبض المشاعر وأنت للشعر روح كل عرقً بصدري لا ذكرتـك يصيـح=وكـل هـمً بقلبـي لا لقيتـك يـروح ليه كـل مارميتـك بالقصايـد تطيـح=ليه كل مانسيتـك قـام طيفـك يلـوح بين نفسـي وبينـي والكـلام المليـح=المشاعر فراشـك بالزعـل والمـزوح أنت ضيف المحاني والمعـزب فليـح=ياكّرم ضيوف قلبـي حالـفً ماتـروح لا تشك أبوفايـه ولا تزعّـزك ريـح=أنت آمر تكلم وأكسـر الصمـت بـوح من عرفتك عرفت أنك صديق ونصّيح=كثر مازعّلك وأزعل بس قلبك نصـوح ياكريم العطايا صـار وصلـك شحيـح=كان مدك جزيل وكان جـزرك شحـوح من فقدتك شعـرت بغلطتـي يامليـح=لعنبوها خطايـا ؟ والزمـان اللحـوح كل ماجيت أبامشي درب هين مريـح=وآجهتني الف عثره والندم جرحه يفوح وكل ماقلت هانت من عنا الوقت أطيح=بين قلبً عطوف وبين نفـسً شفـوح آه من كل معنـى يرفضونـه صريـح=آه من وقـت مابـه للخطايـا سمـوح آه من كل دمعه مـن عيونـي تطيـح=وآه من كل صرخـة بالخفايـا تنـوح أثري الوقت مابه من يريـد الصحيـح=وأكثر الناس غامض مايحب الوضـوح :: |
والله أني أحبك وأكرهك من غلاك = وكل نبضه بقلبي ماتبيك وتبيك والله أني شربتك من ضماك لضماك = لين جفت عروقي ماقدرت ارتويك [ مدخل نقف عنده بذهول ثم تآتي لتهدهد مشاعرنا بهذه الباذخة ياحبيبً عشقته كان تبغـى الصحيـح=أنت نبض المشاعر وأنت للشعر روح كل عرقً بصدري لا ذكرتـك يصيـح=وكـل هـمً بقلبـي لا لقيتـك يـروح الجمتنا صح كلك آبيات في القمة |
منصور الرويلي
صح بوحك ولاهنت تحياتي,, |
الفلاحي
تسلم على الاشادة ولاهنت تقديري |
صح الله لسانك وأجــدت في بيانك وبقي التمـــيز والاقتـــدار عنوانك وأعلى الرحمــن شــــــأنك وكيانك |
الغالي
الشاعر منصور الرويلي الله انه يسعدك ويوفقك بجميع اوقاتك ولقد اسعدني ان اكون ضمن المصافحين لهذه القصيده الرائعه بما تحمله من نص وصح لسانك وعلا شانك ولاهنت وتقبل تحياتي |
مـعـانـاة وآمــال ؟ . للـصـبـح طـهـرً يشبه أوجـيّـه الاطـفـال =ولـلــروح بـلـسم وللـعـيـون مـعـشـوقه ويـن أنــت يـاعـشـقٍ سكـن بـي ولا زال=يـسـئـلـك طــرفٍ غــّرق الـدمـع مـوقه مدري قريبٍ حيل أو دونك أميال = والا بمغيب الشمس والا شروقه ياهل ترى قابلت هالحب بأهمال = أو أن ذاك البعد يحرقك شوقه للحين باقي بمسمعي بعض الاقوال = ونفسي على صوتك تراها شفوقه كلي معك .. كلي معاناة وآمال = والحلم الابيض جاه شيً يعوقه أنا كذا طبعي اليا جيت بأقبال = ماجيك قد الظن أجيك فوقه وأن ماحصل ياصاحبي حب ووصال = وطير المحبة طار وأطلق سبوقه لاعاد تنشد حالتي .. حالتي .. حال = والروح من سبة جفاك محرّوقه والله لو تدري عن أقصاي تهتال = وتشوف كيف الحب جفت عروقه دام الكآبة لابيض الحلم تغتال = والحزن الاسود جا معها تسوقه تزحف جموعه وبـّددت ضحك الاطفال = وضحكة فرحهم تحتظر ومخنوقه " " |
الأخ الكريم منصور الرويلي
لك كل الشكر و الاحترام على قصيدة رائعة |
الفلاحي
يشرفني حضورك وشعورك النبيل دام وفاءك . |
صح لسانك طال عمرك ولا هنت
شكرا لك |
الساعة الآن 02:54AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية