|
فلـول الحـوثـي
وطن (لا)نحميه (لا) نستحق العيش فيه عندما يمس الأمر أمن الوطن . نكون كالجبال الشامخه في وجه المعتدي حتى نرد كيده في نحره . وندحره بعيداً عن الوطن فكلنا جنود مجنده لأبو متعب وولي عهده والنائب الثاني نذود عن الحمى ونبذل الغالي والنفيس من المال والولد والنفس في سبيل الدفاع عن الوطن الغالي مهبط الوحي وقبلة المسلمين وأرض الرساله فإليكم هذا القصيده المتواضعه تعبيراً عن ماتكنه الصدور لوطنا الغالي وولاة أمورنا الأشاوس وشعبنا المغوار على أمل أن تنال ولو القليل من رضاكم وإستحسانكم الصف واحد والبلد نحميها = عهداً علينا يشهده واليها من وقت توحيد الوطن واركانه = نوفي الوعد مع شايباً يبنيها ونجدد البيعه لقوم الهمه = حكامنا بأرواحنا نفديها اللي لهم في المجد باعاً يذكر = فرساننا يشهد لها ماضيها ندحر بقوتهم فلول الحوثي = ويجرب الذله وهو راعيها كِلاشنا والمدفعيه ترمي = رمية بطل كل البشر تطريها نمورنا وآسودنا الفتاكه = شهادة العالم لها تكفيها وصقورنا في الجو بالحوامه = تطرد عدوالله وتقصف فيها درع الجزيره شغل التِــرسانه = وادارها فوق العدو يسقيها من كاس سمه دام هو طالبها = إمن اول الشله إلى تاليها يرد كيد الشر واهل الفتنه = عن دارنا وآعدائنا يمحيها واحنا فهم في الصف الاول دايم = مع جيشنا المغوار لمعاديها وقفاتنا ضد العدو مشهوده = نحمي الوطن من خائناً ينويها منا الولى لأهل الوفى والحكمه = حكام نجد وكلنا نغليها وسـلامة قلوبكـم الطاهـره |
الصـف واحــد والبـلـد نحميـهـا عـهـداً علـيـنـا يـشـهـده والـيـهـا بهالبيت جسدت مشاعر كل من يحب وطنه لاهنت وقصيدة جزلة من رجال جزل تحياتي باريسي |
الشاعر / سالم محسن الفهمي
كفيت ووفيت قصيده وافيه في وطن وافي لابنائه صح بوحك ولاهنت تحياتي.. |
صح لسانك ... وهذي ماهي غريبه على شعب المملكه
سيوف مجربه .... وقت الشدائد تجدهم قلب واحد ودرع واحد |
الغالي
الشاعر سالم الفهمي الله انه يسعدك ويوفقك لما فيه الخير اسعدني مروري على متصفحك ومصافحة قصيدتك المعبره عن نفسك وعن كل مواطن سعودي وفيت وكفيت وما قصرت والله يعز بلادنا وصح لسانك وعلا شانك مليون ولا يكفون تقبل تحياتي |
سالم
صح لسانك على هذه الرائعه كتبت وابدعت خصوصاً على ذالبحر تحياتي . |
سالم اسعد الله اوقاتك نص يستحق ان يكتب بماء الذهب ..لمافيه ..من صدق مشاعر ..وتدفق شاعريه ...وعذوبة شعر سالم استمتعت بما قرأت ..تحياتي ..ودمت بخير |
اقتباس:
يعطيك العافيه باريسي على هذا المرور والتعليق الراقيدمت بود |
سالم الفهمي
قصيده رائعه وجميله صح لسانك |
صح الله لسانك
|
| الساعة الآن 10:57PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية