(( نــــــــــار ا لــحــِــــيــــــرَ هــــ )),,,,,,,,
لا يخرج النور إلا من الأكواخ ... صرخة من آلام الماضي بس يكفي تعبنا ماكسبنا رضاك=مايرضِّيك هـَـيِّن كبرة ٍ تعتليك غلطه أعجبت فيك وجيت كلي وراك=وإبتلشت بمشاعر كلها ترتجيك والله إحترت مدري شالنهايه معاك=أجزم أبعد وقلبي يحسن الظن فيك أتندم وأعوّد من خلاي لخلاك=وأتحسف ليامني رجعت أرتضيك كل ماجيت أبأسرح في مفالي هواك=أنعمس وأبتسم وأجفاك وأمسك يديك مدري أتركك وإلا أستمر فغلاك=خايف أهجرك وأرجع في كلامي وأجيك مثلي مثل الغريب اللي إنجم في سماك=لايدل الطريق ولايطيق إيغديك أسعدالله صباحك وأسعدالله مساك=وأسعدالله جروحي كانها تكتفيك هذا من يودك واحد من أصدقاك=شال كل المواجع و إنتخى يفتديك كيف ترميبي لوقت العنا والهلاك=هذا ليه إن قلبي وافي ٍ مانسيك؟ شعري إن جيت أبأكتب كل شعري بغاك=لكن إحتار مثلي يمدحك ويهجيك مادريت المصيبه كيف بأصبح فداك=لامن أصبحت مدري أكرهك أو أبيك أسقي عروقك الماء وأتحدى ضماك=وأرجع أحتار ياكيف أستطيع أرتويك وأطرد الشيب وأحيا من جديد بلقاك=وأكبر سنين وأسأم لاقعدت أحتريك إنت وش فيك أغديه أبتدى منتهاك=صار كل مايهمك تافه ٍ مايعنيك لاوعهد الوفا اللي يختلف عن وفاك=من غلاتك صبرت بلوعتي مشتريك خذني الليل وإرم بجوف صدري عناك=وخذ يميني يمين ٍ كلها تحتميك لاتضايق وأنا عيني جفونه غطاك=أرخص الروح لأجلك دامها تشتهيك ودامني ماجفيتك بأتحمل قساك=وأتحمل عنادك لين ربي يهديك حبّــني وإقسم الأحزان بالإشتراك=نصف منها على غازي ونصف ٍ عليك |
غازي البستان
ما اجمل هذه الفاخره استمتعت بقرائتها اكثر من مره تحياتي |
الغالي
الشاعر غازي البستان الله انه يسعدك ويوفقك لمافيه الخير اسعدني مروري على متصفحك وما يحمله من شعر مميز له روح تسعد المتلقي لما يحويه من معنى ومضمون متجدد حقا انت ملك للشعر الحقيقي وليس ذلك بغريب على شاعر بقامتك وما اقول الاصح لسانك وعلا شانك مليون ولا يكفون تقبل تحياتي |
يا العقاب الصيرمي لاهنت وردك فخرت به كثيرا تسلم يا كحيلان
|
أستاذي سفير المعاني
أنت أكبر بكثير من أبجدياتنا لذا عزمنا أن لا نرد عليك بالحروف بل بالإنحناء لقدرك تقديرا لهامتكم الشامخه يا خلف أبوي ماقصرت |
غازي البستان
صح بوحك ولاهنت تحياتي.. |
غازي البستان
تسلم على هذه المعزوفه صح لسانك |
غازي البستان
صح لسانك واعتلا شانك قصيده جميله واكثر من رائعه |
الساعة الآن 12:33PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية