رائعة من شعر الأمير محمد الأحمد السديري
يقول من شرّف على روس الاقذال = راس الطويل اللي نبا من رجومه رجمٍ براسه للمشاكيل مدهال = ميقاع سمح الريش من عقب حومه فكّرت بالدنيا.. بالأقفا والأقبال = تضحك وتبكي بالغاتٍ رسومه وقامت همومي بالصناديق تجتال = وزفرات بانت بالضماير رقومه حوّلت منه وخاطري للوفا.. مال = يم العزيز اللي فؤداي يرومه لابو بدر.. ساس الوفا مرخص المال = اللي من المعروف فصّل هدومه وافي ويلبس له من الطيب سربال = درعٍ عريضٍ ضافياتٍ كمومه خطّه لفا.. في صفحة الطرس سيال = قافٍ بصفحة باغةٍ ومختومه فتحت له بالقلب باب له أقفال = وفكري صحا.. لابو بدر.. عقب نومه أهلاً عدد ما كان نازل ورحال = من سوق نجرانٍ إلى سوق دومه واعداد ما يسكب من الغيث همال = وبلٍ على وبلٍ تسابع اهشومه عقبه زهور الورد بالعشب تختال = فيه أم سالم كل رجمٍ تهومه تعلب طرب بألحانها تشده البال = ما هيب من خضر الرياض محرومه ما سايلت من قول شامت وعذال = وما همها نوّاب وفد الحكومة راع الوفا.. له داخل القلب منزال = لو دونه ديار وساعٍ خرومه يابو بدر.. تبدّلت كل الأحوال = حتى أشقر الجنحان بدّل ببومه وجميع شيمات العرب صارت أطلال = مثل الهدام اللي وساع ثلومه دنياً يشيّب هولها روس الأطفال = ولا عرفنا بدرها من نجومه منها الجديد إمبدلينه بالأسمال = واوباش وأنذالٍ ترفّع خشومه أقفت سنين الخير عنّا بالأعجال = وشفنا سنين السو شومه ولومه دنياً ضحايا قدرها كل ريبال = نطّاح قالاتٍ يجي بالزهومه دنياً بغفلتها ركض كل ختال = وكم خيّرٍ بالغدر توكل لحومه الخبث له بايع وشاري ونقال = والطيّب إرخص مالقى من يسومه وديك الدجاج معلّق فيه خلخال =وحطوا مفاتيح الذهب في إبهومه |
رحـــــــــمة الله عليك يا أبو زيــــــــــد مهما قلنا او زدنا لن نوفيــــك حــقك .. امثاله لن تتكرر في حياتنا في جنة الفردوس الاعلى بإذن الله |
وجميع شيمات العرب صارت أطلال مثل الهدام اللي وساع ثلومه دنياً يشيّب هولها روس الأطفال ولا عرفنا بدرها من نجومه ............................................ ابو زيد يشهد ما مضى من لياليك... يشهد لك التاريخ في صفح قرطاس ... |
راع الوفا.. له داخل القلب منزال ................لو دونه ديار وساعٍ خرومه الله يعطيك الف عافيه ... على اهتمامك ونشر هذه الرائعه من سلسة روائع للامير الراحل محمد الاحمد السديري . لك كل الشكراً . ولكن اسمحلي أخي الكريم . بملاحظه بسيطه ؟؟ البيت الاول أعتقد انه ناقص منه كلمه . ( من شرّف على روس الاقذال ..........راس الطويل اللي نبا من رجومه) والصواب بأعتقادي . انه (يقول من شرّف على روس الاقذال .......................راس الطويل اللي نبا من رجومه) ولكن الجميل ان الشعر الجزل حتى لو فقدت منه كلمه او حرف تعرفها من سياق ماقبلها او مابعدها. وهذه الصفه من الجمال والجزاله يتميز بها شعر الامير محمد السديري . ولكن هذا ايضا لايشفع لنا ان نشوه وجه الجمال بأخطاءنا الاملائيه والمطبعيه .. فالكثير من الناس يقرا الشعر كما كتب . ولكون نشر قصايده رحمة من باب الفايده والتذكير وأحياء ذكره بيننا وليس لا توصيلها لناس . لن قصايده وصلت لناس قبل عشرات السنين . وبدون وسائل اعلام وختزنتها ذاكرة العرب والتاريخ . وهكذا هم اعلام الشعر والتاريخ لايحتاجون لوسائل مساعده . اكرر شكري وتقديري لك اخوي بدر وارجو تقبل كلامي بصدر رحب .. والخطاء وراد ونحن مكملين لبعض . وياليت ترجع للمصدر للتأكيد . أحيي فيك حرصك وأهتمامك .. على ماهو جدير بالحب والتقدير والاهتمام . تحياتي لك أخوي ودمت بخير . أخوك / وائل العواجي |
دنياً يشيّب هولها روس الأطفال
ولا عرفنا بدرها من نجومه رحمك الله ورحم الله جميع موتى المسلمين تسلم بدر على هالنقل الرااقي تحياتي لك |
شاكر مروركم العذب
الله يعطيكم العافيه تفضلو بقبول خالص تحياتي اخوكم بدر |
الساعة الآن 03:55PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية