أداة الجريمه_
صباح / مساء الخير
قصيده متواضعه آمل ان تنال اعجابكم ياقلب لاتحزن يامال الغنيمه=انسى الهموم وقطها غبة اليم ماهيب ياقلبي لك اول هزيمه=دايم ومن غزو المجاهيم تهزم تمشي مع العالم بنيه سليمه=والناس تدفن لك بوسط العسل سم اليوم صار الحب دقه قديمه=ممدوح فيه الكذب والصدق منذم وياشينها لاصار حقك غريمه=لاهو ولد خال ٍ ولاهو ولد عم الأجنبي ماله ياكود الحشيمه=ولا القريب ولو جهل قلت له قم وياللي بقلبي لك مكانه وقيمه=لا واخسارة حلمي اللي تحطم بنيت لك بالقلب دوله عظيمه=ويا للأسف كل مابنيته تهدم حبك طفت شمسه وبددت غيمه=ولا ظن يمطر لو شتاته تلملم طعنتني واخفيت اداة الجريمه=تقول مالطخة يمناك بالدم بيني وبينك يوم والله عليمه=ماهوب ينفع فيه كثر التندم يوم ٍ تقاضا فيه حتى البهيمه=فيه امهات قرون تقضى من الجم وسلامت نواظركم تحياتي.. |
خيال القوافي
اتشرف بوجودي بهذا المتصفح قصيده اكثر من رائعه / صح نبضك |
خيال القوافي
ونص يدخل القلب من جزالته هنا للابداع بصمه صح كلك ولك الود |
الغالي
الشاعر خيالها الله يسعدك ويوفقك بكل خير اسعدني حضوري لمتصفحك الحامل لهذه القصيده المكتضه بالشعر والمعنى الحق يقال هنا قرأت شعرا جميل ورائع وصح لسانك وعلا شانك مليون ولا يكفون وتقبل تحياتي |
خيالها ..
بغض النظر عن الوفاء والصدمات والحكمه .. فقد قرأت شعراً جميلا ً عذباً مساء الشعر لا سواه كل التقدير |
خيالها
صح ألسانك جزاله وعذوبه متناهيه لله درك لاعدمناك دمت بخير |
لا والله قصيده جزله صح لساااااااااانك خيالها
|
الجميــــع
صحة ابدانكم والله لايهينكم على الاطراء والمرور الكريم تحياتي.. |
صح لسانك ولاهنت
على هالرائعه |
صح لسانك
لاهنت |
الساعة الآن 07:07AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية