يا هاجـس الشعـر ابـى اسجـل معاناتـي=في بيض الاوراق حتـى النـاس تقراهـا
انـا جريـح الـهـواء مــن فايت(ن)فـاتـي=وجـروح قلبـي عجـزت احصـل ادواهــا
حبيت لي جادل(ن) راحت ولا جاتي=اخــذت عامـيـن عـايـش حـلـو ذكـراهــا
اخــــذت عـامـيــن صـورتـهــا بـنـظـراتـي=واحــــاول انــســى غــلاهــا واتـنـاسـاهــا
ونسيـتـهـا مـــن فــضــل رب الـسـمـواتـي=نسيـتـهـا عـقــب مـــا نـجـحـت كـوايـاهــا
وذقـــت الـسـعـاده بـعـدهـا والمـلـذاتـي=وارتـحـت مــن حبـهـا يـــا كـبــر بـلـواهـا
وارتـحـت مــن كـثـر روحـاتـي وجيـاتـي=ولا عـــــاد افــكـــر بـــهـــا والا اتـمـنــاهــا
وقررت ما احب وابى اسحب سفاراتي=مــن الـهـواء لـجـل نكـبـه فـــي سـواهــا
وصدفه بمشفى الحرس قسم العياداتـي=عـنـد المواعـيـد جتـنـي تقـصـر خطـاهـا
بنـت(ن)مـن اسبابهـا ضيـعـت كلمـاتـي=مـغــيــر مـحـبـوبـتــي تــشــبــه حــلايــاهــا
تـسـأل ومــن زينـهـا لخبـطـت اجابـاتـي=اجابـة(ن) جــت مــدري ويــش معنـاهـا
ومـن يـوم قـفـت وانــا ارجــع علاقـاتـي=مـــع الـهــواء غـصــب والـسـبـه محـيـاهـا
وقـفـت ابــى اظـنــي ارتـــب عـبـاراتـي=واشـوف لـي فرصـة(ن) واسـعـد بلقيـاهـا
لـكـن حــال الـقـدر مــن دون رغـبـاتـي=والـنــاس واجـــد وانـــا مــانــي بـويـاهــا
واقـفـيــت مــجــروح اكــــرر فالتـنـهـاتـي=بنـزل تـحـت فالعـمـاره واطـلـع اعـلاهـا
واخــذت سـاعـه مضـيـع كــل وجـهـاتـي=مـدهـوش عيـنـي تعـايـن مـــن تـعـداهـا
وروحـت والقلـب فـي قـسـم العيـاداتـي=اخـذتــه الـلــي كـمــا الـلـولــو ثـنـايـاهـا

المشاركة الأصلية كتبت بواسطة العتيبي (المشاركة 212510) السلام عليكم ورحمة الله وبركاته صح لسانك حتى ترضى لاهنت

[table1="width:95%;"]

المشاركة الأصلية كتبت بواسطة عذب القلم (المشاركة 212525) لله درك اخوي الشاعر سلطان بن دحيم وصح لسانك قصيدة شاعرية رائعة بالمعنى والجزالة واتمنى لك السعادة الدائمة وان الله يجمعك مع من تحب بالخير... تحياتي المفعمة بالتقدير والاحترام لك ..

المشاركة الأصلية كتبت بواسطة متعب (المشاركة 212539) ابودحيم صح ألسانك على هذه الرائعه والله مايذبحك غير الصدفه لاعدمناك تحياتي

سلطان بن دحيم


صح ألسانك على هذه الرائعه

تحياتي