ياغابه الاحزان مدري واقع الوقت المخيف=اللي يعيشني هموم ما قدرت اعدها
طلت همومي والحزن خيم علي بدون زيف=وغابت علامات الضياء عن ناظري من شدها
الهم يدفعني على الذكرى وانا اكبر مستضيف=لاحزان بعد احبابي قلبي عاجزن عن ردها
دنياً حزينه مالها في ناظري وصف ووصيف=دنياً غريبه ياكبر فرق امّسها عن غدّها
عجزت اقاوم قسوة الامواج والريح العنيف=تتقلب الامواج ما اعرف جزرها من مدها
وغرقت لكني غرقت وداخلي معنىً شريف=محبوبتن خلتني اعيش الحزن في صدها
وطيف الغرام اللي ملازمني وانا عشاق طيف=من بعد غاب الواقع الملموس روحي هدها
مستوحشن قلبي من العالم بعد ذاك الوليف=اقف لسلهامة عيونن فالملا من قدها
ويوم اتعجب واتامل فيك يادكتور كيف=معنى اسمك اللي خاليٍ منك وهو في يّدها
هي كلي وكيفي ودكتوري وعالمي العفيف=روحي تعّف عن الاوادم بعد عاشت ودها
عشقت لان الجسم من كثر العشق عود نحيف=والعين من كثر الدموع امست تجرح خدها
تجري رياح العشق ضدي والامل ينزف نزيف=واحاول اضمد جروح العشق ولا اسدها
في وقتي فصول السنه صيف وشتاء وايضا خريف=والرابع اللي غاب عن عيني وبيح سدها
مابين ياسي والامل في داخلي ماهو ضعيف=يالله عليه بعد ما غابت علي تردها
واللي يبى يعرف غلاها داخلي من دون زيف=روحي وهي روحي فداها ماتسمى ندها

[table1="width:95%;"]

المشاركة الأصلية كتبت بواسطة محمد ال مهود (المشاركة 208074) خلف حمدآن .. كل عام وانت بخير ./ وصح لســآنك على هذه الشامخه . جزله من جزل .؟ ليسىآ لهىآ وصف . [ فالصمت هوآ الوصف ] لاهنت

[table1="width:95%;"]

[/table1]

---

المشاركة الأصلية كتبت بواسطة خيّالـها (المشاركة 208268) [table1="width:95%;"]

خلف الحمدان وانت بالف خير وينعاد عيدك صح بوحك ولاهنت تحياتي..

الغالي
الشاعر
خلف حمدان الروقي

اسعدني مروري لمتصفحك ومصافحة

قصيدتك الرائعه بما فيها من معنى

وصح لسانك وعلا شانك ولا هنت


تقبل تحياتي