رنج .. بيروت
الرنج ابيض .. ولوحاته سعوديه =الرقم .. وا حد .. مع السيفين .. مرسومه ألفين وتسعه .. به الشاشات ..ماريه =والجنط عشرين .. والليتات .. مزمومه زينون وليته .. يشابه.. عين بحريه =شيهانتن .. في سماها .. تبعد الحومه إتشارجر اسبورت.. والكشنات ..ثلجيه =مكينته .. من بلدها .. جات ملغومه إقزوز سستم .. وله .. نغمه رياضيه =مثل الرعد .. في سحايب خير ..مركومه يشبه لطيارتن.. ف الجو .. حربيه =من صوتها ..طبلة الأذنين .. مخرومه شاريه .. ماني ( أنا ) .. آخذه .. عاريه =من شركة السيف .. والاوراق .. مختومه ماني بمتقسطه .. شاريه .. نقديه =ابقيمتن .. تعجز الطماع ..من سومه ع المرتبه .. حاذف الغتره .. وطاقيه =يشوش راسي .. لاشفت ..الجدي .. ونجومه تسعين .. متجاوز السرعه .. ورا ميه =وامن الطرق.. عاجزن.. لايكتب ارقومه لحدودنا .. نيتي .. ذيك .. الشماليه =لا أجتازها ..خافقي ..بيفارق.. اهمومه بيروت.. هي وجهتي .. والنيه ..النيه =ب اعيادها.. ترتوي.. اقلوب محرومه ب الثلج ..يمكن نطفي ..جمرتن حيه =ولا .. يشب الخفوق..ويحرق .. اهدومه ماكل منهو .. مسافر .. يقترف سيه =أخاف ربي .. ويوم الوقفه .. إنصومه وداعة الله ... بلادي .. يا السعوديه =وداعة الله .. حبيبن ... ضاعت ..إعلومه |
لحدودنـا .. نيتـي .. ذيـك .. الشماليـه لا أجتازها ..خافقي ..بيفـارق.. اهمومـه بيروت.. هي وجهتـي .. والنيـه ..النيـه ب اعيادها.. ترتـوي.. اقلـوب محرومـه ولو اني لااويدك على السرعه .. ولكن بما ان الاتجاه الى تلك الديار لاوالله ادعس اكثر .. أنا رائع وصفٍ ومضمونا هذا النص شاعرية راقيه لاهنت |
[table1="width:95%;"] | [/table1]الشاعر المبدع ..أنا صح بوحك ولاهنت بس انتبه ترا فيه رادار بالطريق وكمرات تحياتي.. |
الشاعر المبدع ..أنا
صح لسانك ولاهنت وبعد اقولك ادعس اكثر الديرة تطرب |
انا
صح ألسانك على القصيده الجزله رنج وبيروت انا كل ماهونت عن نية المسرى لمحة الجدي يم الحدود الشماليه تحياتي |
أنا
الله يرحم والدينك في المرّه الجايه لاتنسى اخوك تراه ودّه يروح بيروت بس الامكانات مش ولا بد صح لسانك واعتلا شانك ولاهنت على البدع الرائع |
لي يومين أدور رنج ولوحته واحد ههههه
مصير الحي يتلاقى وصح لسانك |
انا
صح لسانك قصيدة جميله |
بيروت.. هي وجهتـي .. والنيـه ..النيـه ب اعيادها.. ترتـوي.. اقلـوب محرومـه انا صح لسانك مليون ولا يكفون جميل بكل احوالك تقبل مروري كلاس |
صح كلك يا انا
ابياااات قمه تستحق الوقوف والقرائه اكثر من مره ....... اطربتني الله يطربك لاهنت تحياتي |
الساعة الآن 10:34PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية