لفانا العيد ثم حل المعايد = و أنا ما بين همّي و النكايد
أجامل عزوتي وأضحك معاهم = وهمّي فالحشا بالحيل كايد
سبايب خلي اللي قل وصله = ولا أدري من فراقه ويش فايد
تركني دون سبه من تركني = و أنا بعده قصايد في قصايد
أجر الصوت مامخلوق يسمع = ونين ٍ منه هزيت الحدايد
يمر الليل حالي هو حالي = وهمّي من تزايد في تزايد
أنا ودي أبارك له و أهنّي = مثل باق الحبايب فالعوايد
أنا ودي أقدم له هديّه = و أعايد مثل ما غيري يعايد
ولكن صاحبي قاسي عليّه = وصبري طال ماشفت الفوايد
ألا يا راعي الصدّه تسمّع = و خذ مني إفادات و وكايد
ترى وياك فرصه لين باكر = تجي آسف قبل حل العقايد
وإذا ماطعت هرجي واستمعته = فمان الله ماني فيك رايد
عمر باعك معا ماضيك كله = وحط إعلان في كل الجرايد
يقول فنصه الخاين يخلا = و الا لا عاد حبن فيه سايد