|
أنا قتيلكـ مع قتيل العداوين
مساكم الله بكل خير هذهـ مصافحة أولى لي في هذا الهرم الشامخ أتمنى أن ترتقي للذائقة الشعرية , وأن تنال إعجابكم ..
العام مثل اليوم يوم إنه أضحى=قابلتها بين الدرج والدكاكين سألتها قالت لي الأسم وضحى=بنتٍ من أسماً بين الأسماء مسمين قلت أسمعي متعب وللعلم نضحى=عبي بيانات التعارف من البين مر الفراق ومر فرقاً ثم اضحى=في نون عين وصال مملوحة الزين بعد الوصال اللي له بشوق ضحى=في تسعة وعشرين عام الثلاثين سلام يا وضحى ويا فضح فضحى=ستر الفراق اللي من العين للعين ركب الغلا عشى ثم أمسى ثم اضحى=في قلب مشتاق من البعد والشين قلبي ضناه الشوق يا شبه وضحى=من وضحنا مسيومتٍ بالملايين اللي قتل نمر بن عدوان وضحى=وأنا قتيلك مع قتيل العداوين شقرت قلبٍ يشقر القاف مضحى=ألا على ليل الهدب والهلالين يا وضح جرح الحب وضحاه وضحى=في عين من رفت لقولت هلاوين سلام يا رمشٍ على عين وضحى=فيها قمر ليلٍ ورى نو ويبين عيد رمضان وعيد قلبي والأضحى=فأول هلال الها ونوضة حجاجين ينعاد عيد العام يوم إنه أضحى=ينثر فراشه في زهور البساتين متعب .:yasser: |
[table1="width:95%;"] | [/table1]متعب صح لسانك لاهنت تحياتي |
اخي عقاب
صـــح بدنك والله لايهينك على المرور العطر ودي |
الله الله
اللي قتل نمر ابن عدوان وضحى تسلم تسلم وصح السانك قصيده راائعه يامتعب الف شكر لك |
متعب
صح بووحك يالغ ــــلااا بس لو تسلم من تكرار القااف ..؟ وضحى . < وضحى < وضحى < ؟ هذا يسماء ضعف في الشاعر ..؟ بمىآ إنك جبت 14 . بيت ...!!؟ اهنيك من كل قلبي يالغ ـــــــــلاااا ولك مستقبل عظيم ..؟ وربي مانصحتك . [ الى إن القصيده اعجبتني ] ...!!؟ وجزله من جزلـــــــــــ ...!!؟؟ ولآيحتاج اتكلم عن سمو ذاتك .. لينك شاعر ؟ يالغ ــــــــلااا واتمنىآ مايحز في خاطرك شي ..!!؟ لآهنت . [ ولاهاان بووووحك طال عمرك ] ودي |
اخي زايد
صـــح بدنك والله لايهينك طال عمرك مرورك شرف لي ودي |
اخي شكيت المحاجر
صــــح بدنك واحترم وجهة نظرك الساميه وملاحظتك وسام على صدري وهذا الشي لايخفاني ولكن لاني استخدمت الشقر وكل كلمه لها معناها ودلالتها في سياق الكلام هناك اختلاف الاولى المقصود من قابلت والثانيه من قتلت ابن عدوان والثالثه من قابلت فبين الاولى والثالثه تسعة ابيات وهذا جايز ودي |
لالا قصيده وافيه وماعليها كلام وتمكن الشاعر واضح
ونص لا يقدمه الا الكبار والمبدعين وانا متاكد ان الاخ اللذي نقد ليس لديه خبره وافيه با الشعر لان القصيده واضحه ولم يتكرر اسم وضحى بمعنى واحد وهذا من فن الشقر نتمنى ان نقراء لك المزيد هنا وصح السانك مره اخرى اخوي متعب |
اخي زايد
الله لايهينك على التوضيح وانا لم اجعل القصيده هذه المصافحه الاولى لي الى لكي يستفيد الاخوان لاني اعلم مسبقاً بما راح تسببه من جدل واخي شكيت المحاجر يمكن لم ينتبه لهذا الشي وكان قصده توجيهي بعيد عن الحزازيات وبالعكس اعجبني بصراحته لاني لااخفيك احب الانتقاد لكي استفيد فمن يجاملك لاينفعك بالعكس كلنا اخوان واذا انتقد قصيده لي او لاي شخص لايعني انتقاد الشخص نفسه وهنياً له على شجاعته ودي لك وله |
[table1="width:95%;"] | [/table1]متعب نص جميل وقافيه صعبه لها جرس موسقي رائع صح بوحك ولاهنت تحياتي لك,, |
| الساعة الآن 07:20PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية