|
العيـطمــوس..
طال المدى والقيض شحّ ظلاله=دنوا بنات الريح يالخياله هذا الورق ميدان وانت الفارس=ياهاجس ٍ يرقى السحاب لحاله ان مالحقت النادرات الشرّد=ماجلس على صدر القصايد عاله ولمت لك بالصدر نار ودله=والنار ناره والدلال ادلاله فنجالها يقعد خوا المتعومس=طاب القصيد وطيّب الله فاله نغوض باعماق البحور ونجمع =ونردف من أكبار البيوت جزاله لعيون من عينه متاهة وادي=سود الرموش العكش والقتاله يذبح سناها من يقرّب حوله=ياويل والله من وقف بقباله ماكنه الا سيف هند مجرّد=في معركة ذي قار يوم اهواله وإلا النحر برق ٍ تكاشح نوّه=النور عمه والنجوم عياله قمرا جبين ومدلهمت جادل=ان مانزل بدر الدجا ترقاله في خصرها خصر العسيف الضامر=الردف يتعب ساقها لاشاله في مشيّها مشي الحمام الزاجل=لاسولفت حال الكرز يرثاله وليا تبسم يستهيم اللؤلؤ=بسحر الكلام وشفة(ن)مختاله كلامها شرهت حشيم(ن)غالي=وسكوتها هيبة ملوك لحاله لو أختها في يوم منها غارت=ما لومها يغار منها شاله هي سيدة عرش الجمال وتاجه=العيطموس الجافل المياله تذهل عقول الراكعين السجّد=بجموع من غي السحر تبراله قابلتها في ذات يوم ٍ صدفه=وبعض الصدف ياعزوتي قتّاله اول هداياها طعون بصدري=واللي هداني جرح وش يهداله اقفت وانا عيني تخيل ابروقه=شحت عليها امزونها الهماله عاشق وخايلّه بروق ٍرفت=لاشاف مزن ولاحصل مقياله |
قمرا جبين ومدلهمّة جادل = ان ما نزل بدر الدجا ترقاله
من هذا المنبر اوجّه دعوه الى كل المستشعرين بالعالم ليطّلعوا على الشعر الحقيقي استاذ الشعر ابو فيصل جميع كلمات الاطرا ما تفيك حقك الشعور تجاه هذه المعلقه اكبر من التعبير سلمت ودمت للشعر والفكر والذوق الرفيع |
وعين الرضا عن كل عيب كليلة
يبدو لي أن المحُب يرى في محبوبته كل شيء جميل والعكس صحيح فـ مراَة الحب كما يقولون عمياء وصف بليغ وتصوير رائع قصيدة جزله صح لسانك |
الله الله لم أستطع أن أقتبس منها كل القصيدة قد فاقت حد الغيوم في الجمال والعذوبه والمفردات الجميلة صح لسانك أبو فيصل حتى ترضى ودمت بالخير \ / \ العطـــــاويه |
نغوص باعماق البحور ونجمع =ونردف من أكبار البيوت جزاله
لعيون من عينه متاهة وادي=سود الرموش العكش والقتاله ابو فيصل عوايدك الجزاله صح السانك على هالمترفه |
[table1="width:95%;background-color:black;border:10px groove white;"] | [/table1]http://www.viafy.com/uploads/a83814c89d.gif أبو فيصل ما أجمل هذا الطرق الهلالي وما اجمل صوغك له اذهلتني والله هذه القصيده وسوف اعتبرها من شيخات القصيد لله درك ما اروعك فكل ماتقدم نص يكون اروع ممن سبقه وتزيد من شوقنا ولهفتنا للقادم http://www.viafy.com/uploads/c03c343f46.gif |
[table1="width:95%;"] | [/table1]ابوفيصل هكذ الشعر والا فلا ولاتعليق بحضور الشعر تحياتي |
اقتباس:
الاستاذ الفاظل والشاعر الكبير/ عبدالله المفضلي أستاذي شهادتك فخر ومسئوليه بنفس الوقت لتقديم مايرتقى الذائقه الشعر الف شكرا لهذا الحضور الكبير ماننحرم منه دوم تحياااااااتي لك استاذي:r: |
الله الله الله ابو فيصل الزين يفرض نفسه صح لسااااااااااااااااااااانك بلا حدود وماقول الا لله درك ولا تحرمنا من جديدك وتحياااااااااااااااااتي وتقديري |
قابلتها في ذات يوم ٍ صدفه=وبعض الصدف ياعزوتي قتّاله
اول هداياها طعون بصدري=واللي هداني جرح وش يهداله اقفت وانا عيني تخيل ابروقه=شحت عليها امزونها الهماله عاشق وخايلّه بروق ٍرفت=لاشاف مزن ولاحصل مقياله الشاعر المميز والمتفرد في سماء الشعر.... أبو فيصل صح لسانك وعلا شانك قصيدة جميلة ورائعة ووصف جميل للحب وللمحبوبه مشاعر جميلة ورائعه وعذبه .. الله يعطيك الف عافيه وتقبل مروري أخي القدير |
| الساعة الآن 01:15PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية