يا أبوي شوفك يبري العله وتشفى به جروح
السلام عليكم ورحمة الله وبركاته أسعد الله مسائكم بكل خير قال تعالى: ( وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا ) [الإسراء:23]، وقال تعالى: ( أَنِ اشْكُرْ لِي وَلِوَالِدَيْكَ ) [لقمان:14]. لقد كتبت هذه القصيده المتواضعه في والدي أطال الله في عمره وحفظه وهي عباره عن جزء بسيط من حب الإبن لوالده ولا تفي والدي من حقه علي شيئا ً أسأل الله أن يجعلني من البارين بوالديّ في حياتهم وبعد مماتهم إليكم القصيده : يا أبوي حبك وسط قلبي يبني كبار الصروح = يشهد على ما اقول علام الخفايا كلها يا أبوي شوفك يبري العله وتشفى به جروح = ولا غبت دار ٍ ماتجيها كيف أنا ما أملها أرتاح لا شفتك بخير و ضيقتي عني تروح = شوفك يكفيني عن الدنيا ومن في حلها أنت الأبو و أنت الأخو و أنته رفيق ٍ لي نصوح = ياكم نصيحه منك جتني لين صرت أفطن لها ياتاج راسي يا بعد روحي يا أبو قلب ٍ سموح = إن كان ما القيفان غنت فيك ليه أشلها يمناك من فوق القمم بالطيبه دايم تلوح = واسمك على روس السطور العاليه محتلها لك فالحشا حب ٍ كبير ٍ ما توفيه الشروح = تعجز بيوت الشعر عن وصفه بوسط سجلها أنت الأمل عندي وبري فيك مابعده طموح = والطيبه منّك و من طيبك عرفت أدلها من صغر سني مصغي ٍ لك دوم لا شفتك تبوح = يالشامخ اللي وقفته من فالعرب ياصل لها شيخ ٍ وبابه ما يرد و دلته دايم تفوح = كريم و صفات الكرام الطيبه كفو ٍ لها وسلامتكم |
القدير / عمر الدغيلبي
سلم بنانك وصح فكرك وحفظ الله والديك تمنياتي لك بحياة سعيدة في ظلهما تقديري لك |
ماشاء الله تبارك الرحمن
عمر /الله يطول بعمرك وعمر ابوك والحقيقه انك كتبت قصيده وافيه كافيه وابدعت فيها واللي حلّاها انها بمن يستحقها الوالد صح السانك يا الوافي الف مره |
أنت الأمل عندي وبري فيـك مابعـده طمـوح والطيبه منّـك و مـن طيبـك عرفـت أدلهـا عمر عمر الله قلبك بالأيمان وطاعة الرحمن وصح الله لسانك حتى ترضى ونعم بوالدك مدام علمك دورب الطيب ودلك عليها ونعم بك انت وبمشاعرك الطيبه أعانك الله على بر والدك وصح لساااااانك تحياتي لك |
[table1="width:95%;"] | [/table1]عمر الدغليبي كفو كفو وليس بغريب الطيب من أهل الطيب واعانك الله وبلغك مرادك قصيده جزله من جزل صح لسانك صح لسانك تحياتي |
يا أبوي حبك وسط قلبي يبني كبار الصـروح يشهد على مـا اقـول عـلام الخفايـا كلهـا يا أبوي شوفك يبري العله وتشفى به جـروح ولا غبت دار ٍ ماتجيها كيـف أنـا مـا أملهـا أرتاح لا شفتك بخير و ضيقتي عنـي تـروح شوفك يكفيني عن الدنيـا ومـن فـي حلهـا أنت الأبو و أنت الأخو و أنته رفيق ٍ لي نصوح ياكم نصيحه منك جتني لين صرت أفطن لهـا ياتاج راسي يا بعد روحي يا أبو قلب ٍ سمـوح إن كان ما القيفان غنـت فيـك ليـه أشلهـا يمناك من فوق القمـم بالطيبـه دايـم تلـوح واسمك على روس السطور العاليـه محتلهـا لك فالحشا حب ٍ كبير ٍ مـا توفيـه الشـروح تعجز بيوت الشعر عن وصفه بوسط سجلهـا أنت الأمل عندي وبري فيـك مابعـده طمـوح والطيبه منّـك و مـن طيبـك عرفـت أدلهـا من صغر سني مصغي ٍ لك دوم لا شفتك تبوح يالشامخ اللي وقفته من فالعـرب ياصـل لهـا شيخ ٍ وبابه مـا يـرد و دلتـه دايـم تفـوح كريم و صفـات الكـرام الطيبـه كفـو ٍ لهـا الشاعرالقدير عمرالدغيلبي صح لسانك وعلى شانك اسأل الله ان يطول بعمر والدك ويرزقك بره كلمات تجبرالقلم ان يقف عن التعبير فالاب مهما كتبنا لن نوفيه اسأل الله ان يرحم والدي ويسكنه فسيح جناته ابدعت بهذه القصيده الشامخه وبنتظار المزيد بشوق الف شكرلك وفقك الله ورعاك ودمت بخيرومحبه |
[table1="width:95%;"] | [/table1]عمر اطال الله في عمرك وعمر والدك وكسبك الله بره ورزقك الذريه الصالحه صح لسانك على هذه القصيده الرائعه |
اقتباس:
عمر الدغيلبي كفو كفو ومليون ونعم وبيّض الله وجهك على هذه الدرّه وصح لسانك واعتلا شانك ولاهنت |
عمر الدغليبي
تسلم على هذه القصيدة الرائعة في الاب ومني لوالدي هذه القصيدة اطال الله بعمره ومنحه الله الصحة والعافية وعساه معي دايم دمت بخير وسعادة |
صح السانك والله يطول بعمره
|
الساعة الآن 12:41AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية