انا وقلبي في مجاهد من العام=لا الارض هي ارضي ولا الجو جوي
مير السنه هاذي مافيها توهام=عزالله اني طحة طيحة عدوي
في شاطي الراحه مع الشعر سجام=وانا على شاطي غرامه مهوي
الجادل الي فجر بقلبي الغام=بين المحاني جاين الهاا تدوي
كثف بغاراته ونكست الاعلام=مع العيون النجل انا ويش اسوي
عجزت اقاوم جيشها مثل صدام=وحده يدافع والمارينز متقوي
ترسل عليه من ورى الشاشه اسهام=وجيت امتنكس عندها من علوي
بالله يالمخرج عنه صد بالكام=اخفه عن عيون المخاليق لوي
على مشاهد نظرته والتبسام=اشفق من المسني على شوف نوي
لا يابو خالد ياحمد يابن الأكرام=حبل المواصل برقبتك متلوي
هي شيخة الشيخات بالصف قدام=مثل القمر بين النجوم متضوي
الفم خاتم والخشم سلة حسام=وخدٍ من الوجنه يبى يشب ضوي
كني ملكة كنوز صنعا مع الشام=لو يجتمع سموها مع سموي