المجد له تاريـخ قصـه وعنـوان= مضمونه الابطال فعـل وبراهيـن
والشعر ديوان العرب يعني لسـان= لافعـال قـومً ماتضمـه دواويـن
لنا ومّنـا لـه مسيـره وبرهـان= مايختفي عاشوا به أمـوات حييـن
مجد العرب حنا على مر الازمـان= وحنا سلاطينه ونبقى سلاطين
أسمع صهيل خيول وأشوف فرسان= والمح لميع سيوفهـم والمياديـن
تؤمن بها عقولً وتشهد بها أعيـان= حقيقةٍ ماهـي سوالـف مجانيـن
في واقع التاريخ صفحه لها شـان= ماكنها الا سور وارض العرب صين
صفحة من التاريخ ( تاريخ ويلان )= فيها أختصار الازمنـه والمياميـن
ليا أنتخى تاريخنا بـ .. أبن شعلان= من قبل شوشتنا تشوش المعاديـن
به هيبة معزي وبه بـاس شامـان= مثل الجبل ثابت على العسر واللين
من معركة حطين ؟ لمّوحد الشـأن= اللي جمع كل القبايل علـى الديـن
ماالله خلق مثله من الانس والجان= يعني بوقفاتـه زعيـم الثقالين
ماقول غير اللي قبل وقفتـي بـان= تشهد به الاقصين من قبل الادنيـن
ذكرت من شيّد على العـز بنيـان= شيخً عطاه الله على الارض تمكين
شيخً صميدع سيرته تعمّر أوطـان= ولاهو قصورً بالشيـوخ المسّميـن
ومن حقي أفخر وآتمثل بالالحـان= مادمت أنا وافـي وربعـي وفييـن
لكن على بالي طرى قول ( راكان )= وأنا على نهج الرجـال الشريفيـن
أنا أفتخرت وزبدة الهـرج نيشـان= ولا خير في قولً بليا براهين