بسم الله الرحمن الرحيم

السلام عليكم ورحمة الله وبركاته

يسعدني ويشرفني أن أضع بين أيديكم هذه القصيده من جديدي بعنوان (القصف جوي) وهي عباره عن شيله بصوتي وأنا آسف على الصوت مقدما:)

لا تحرمونا وجودكم وردودكم وآرائكم

للإستماع
×
×
http://www.youtube.com/watch?v=dEskaMlyVN4

أقول فيها :

بيّض الله وجه وقتي يوم ورالي عدوّي=كل وجهن كان مخفي طيّح الله لي قناعه
لا تبالي يالمجند كان جاك القصف جوّي=حيث في سلم المواجه ياولد رمز الشجاعه
الزمان الشين ظالم والحبل قده امتلوّي=والحمول اليوم زادت واختلف سعر البضاعه
راحت الأيام صفحه والقدر منهو يطوّي=سهم وقت القرم طبح وانتهى بعد ارتفاعه
كل لاشن في زمانك صار قايد وش نسوّي؟=والدجاج اليوم واجد شوف عينك كل ساعه
قو قلبك في زمانك لا تقول اصغير توّي=داحم كبار الجنوب وراقب الذيب وسباعه
والفقر ياخوي رجلن قال ماشبيت ضوّي=كان ماشبيت ضوه شب كله بإستطاعه
لا تحسب المال منهو يرفعك او من يقوّي.؟=غير وجهك مايفيدك ياولد بعد انقطاعه
الشجاعه هي يميني والمراجل هي علوّي=والكنوز ان كان قفت باقي(ن) كنز القناعه
مقتنع في مايجيني دام لي نجم(ن) يضوّي=غير عن كل النجوم وفارق بزود التماعه
نجم ظافر بالقصيد ودرته بالشعر نوّي=والمطر جزل القصيد ويجذبك عند استماعه
كل منهو يستمع لي كلمته لافض فوّي=والفخر ماهوب حقي حق ربعي والجماعه
القبيله في خفوقي والعزاوي به تدوّي=لو بعبر عن هواها قربوا آلة طباعه
مير خلوني أكافح دنيتي من دون ضوّي=غير موتي ماتطفى..بالكفن حين ارتفاعه
وأشهدوا والبدر صادق في قراره وامتروّي=والزمن لولا ظروفي كان أنا لاوي ذراعه
عان كبدي يارفيقي والزمن خله يكوّي=لعنبوه شعاد باقي صار عندي له مناعه..!

[table1="width:95%;"]

المشاركة الأصلية كتبت بواسطة شموخ نجد (المشاركة 175351) صح لسانك وعلى شانك الشاعر القدير بدر العجالين لاهنت على طرح هذه الشامخه وماتحوي من حكم وعذوبه واداء جميل بنتظار مايفيض به احساسك ويسطره قلمك بشوق الف شكرلك وفقك الله ورعاك

صح الله بدنك يالغاليه شموخ نجد ومن قال لاهان:thumb:

تأكدي أني سعيد بإشادتك يالغاليه لاعدمنا طلتك:r:

مشكوره ولاهنتي على المرور الكريم..

تقبلي تحياتي،،

[table1="width:95%;"]

بيّض الله وجه وقتي يوم ورالـي عـدوّي
كل وجهن كان مخفي طيّح الله لي قناعـه

قصيده مضمون ومعنى رائعه بروعتك

صح لسانك وعلا شانك يالغالي


تقبل تحياتي

[/table1]

---

المشاركة الأصلية كتبت بواسطة عقاب (المشاركة 175375) [table1="width:95%;"]

بدر الله يكفينا شر القصف هههههههه صح لسانك يابدر على هالشيله تحياتي لك

[/table1]

---

المشاركة الأصلية كتبت بواسطة سالم محسن الفهمي (المشاركة 189929) [table1="width:95%;"]

بدر بن صقر ومن قال سالم وغانم صح لسانك يامبدع كعادتك متألق في سماء الإبداع موفق بإذن الله

المشاركة الأصلية كتبت بواسطة زايد الدغماني (المشاركة 189966) بدر صح السانك قصيده وشيله وصوت جميل الف شكر لك وصح السانك مليووووون