شاعر نبط خذني على كل الأحوال = في مملكة شعر النبط والحماسه
واثق ملك والفكر يمشي ويختال = وصـف البيـوت بموكبي للرئاسـه
الشعر نزف وجـرح من واقع الحال = وكلن على جسمه يفصل لباسه
لاتسأليني وش ورى ضيقة البال = ماهي على صدر الشمالي وناسـه
فرع انحدر من سيل وادي على الجال = حتى وقـف والذيب عاوي بـراسـه
عز الفقير اللي وقف وقفت رجال = نفسـه يجدها دون ربعه وناسـه
الى هنا والكون ياقف له اجلال = دنق عليه وحب خشمه وراسه
من يمدحك بالشعر نافق يبي مال = ماهو لك أوفى من كلاب الحراسـه
من حكمة المجنون لك شاعرن قال = مفهوم وضع المعرفه من أساسـه
شاعر نبط خذني على كل الأحوال = بين السياسه والغزل والحماسـه

[table1="width:95%;background-image:url('http://www.rhb-reema.com/vb/mwaextraedit2/backgrounds/92.gif');border:7px inset chocolate;"]

.
.
.


صوت الحقيقة .صح لسانك

تحصينات من الرمزية القاسية

احاطت هذا النص جميل القافية ..

والرمزية ليست عيباً من عيوب الشعر.

لكنني اتمنى ان تقنن داخل النص بشكل

معقول..

والامير الشاعر محمد الاحمد السديري

كان يميل في( بعض قصائده الى الرمزية)

اقرا معي هذا البيت

سيلٍ حدر مع واديٍ غير واديه
مدري حلالٍ ماه . والا حرامي؟!

هنا تتجلى الرمزية في هذا البيت لكل قارئ.

لأن الجرعة الرمزية كانت هنا بقدر واقعي.

اتمنى ان اكون ما اطلت ..

لك كل التقدير..
.
.
.
.

ابداع