|
صوتية(البدر المعتوم)
بسم الله الرحمن الرحيم السلام عليكم ورحمة الله وبركاته كما عودتكم على اضافة كل جديد من قصائدي يسعدني ويشرفني اضافة هذه النص الجديد بعنوان ( البدر المعتوم ) وأتمنى أن يحوز على رضاكم.. للتحميل والإستماع على هذا الرابط اضغط باليمين+حفظ الهدف باسم ألا ياقلب لا تشره على الأيام يامصدوم=جروحك دايما وقتك ألا طابت يجددها ألا ياقلب ذا همك يسبب غصة البلعوم=وأحس النار في جوفي ولا أدري كيف أخمدها زمانك ماصفا لحظه وخلاك الدهر مهدوم=همومك من كثر ماهي تزايد ماتعددها يحسبون البدر ضاوي وأهو من داخله معتوم=ومايدرون في بدرن على شمسه يسندها أنا لي هاجسن كنه على نفسي يجي معزوم=معازيمن بلا دعوه ولا تقدر تطردها يجيني دوم كل حزه يناشبني طوال اليوم=يفطن نفسي لهمي وأنا أحاول أركدها وجودي وجد من أصبح كسيرن بالسجن محكوم=ديونه سبت عياله ولا يقدر يسددها يلبسهم يعشيهم معيشهم على المقسوم=وحده وقته الأقشر على ديان عقدها على خلن فطر قلبي وحبه بالحشا معلوم=حساباته وسط قلبي وفيره مانجمدها أحبه حبي لجدي وجدي زايد الملطوم=وأحبه حبي لربعي وانا ربعي أمجدها وأحبه حبي الطاله وأنا دايم لها وآروم=وأحبه حب شجعانن فعايلهم نخلدها وأحبه حبي لشعرن يقوله شاعرن شغموم=وأحبه حبي لقافي ولأبياتن أرددها أشوفه طول غيابه و من شوفه أنا محروم=وكن فرقاه موتن لي ونفسي جا يهددها أصبر نفسي بنفسي وأعلمها الصبر والصوم=وعيني لأرتخت صوبه أنا أحاول أصددها أصد وعيني الشاشه وحبه ينعرض لي دوم=لو أغمض لو أفتح لزوم أني أشاهدها سطا حبه على قلبي وأنا أزهم وأنا المزهوم=قصوره ماليه قلبي بحبه جا وشيدها غدا حكمه وسط قلبي أميري ثم صدر مرسوم=يحاكي واقع أعروقي وحبه جا يمددها الا منه طرا أسمه تبيّن للقصيد اعلوم=تجيني شبه جنيّه تناشدني وأناشدها وأسلي القلب في شعرن يداعب خاطر المهموم=قصايد تطرب العالم قريحتنا توردها هجوس الشعر في فكري معزز دايما محشوم=بنات الفكر في راسي على المعنى مجندها وأنا مانيب أبوليلى ولاني مثل ابن كلثوم=أنا بدرن وذا شعري كثير الناس يسعدها وإلا من زادت جروحي فأنا صابر وصبري دوم=وأنا لا يمكن استسلم والابل إنا نقيدها وأنا خابر ومخبورن يعرفوني قوي اعزوم=جروحي دايما وحدي مغيري من يضمدها ألا ياقلب ماتنفع زيادات العتب واللوم=كثير الدق ماينفع يهد النفس يجهدها تصبر ياعسى ربي يحقق رغبتك وتقوم=ورغباتك على قدك وقدك هو يحددها أشوف اليوم ذا الدنيا مع الدرهم وحسب السوم=وراع الفقر متفرج وذا الدرهم يخردها حشى يالله مانجزع ولو أنها صفت لرخوم=ربح منهو بنا نفسن على الإيمان عودها تعودنا على الطاعه لربن ينصر المظلوم=ولا غيره خضعنا له وأهل الشرك نجحدها والا ياقلب لا تشره قنعنا والقدر محتوم=عسى الأتعاب مخلوفه وبالآخر تحصدها أخاف أموت ياقلبي عسى لا مت أنا مرحوم=عسى روحي بإذن الله برحمته ايتغمدها وسلامة الجميع.. |
ومن قال سالم ياابو صقر وصح الله لسانك ومبدع في جميع ماتكتبه والله تقبل كل الود والاحترام ياابن العم اخوك عبدالرحمن الدوسري |
بدر بن صقر
متصفح مليء بالشعر صح لسانك لاهنت . تقديري |
يسعدني ويشرفني اضافة هذه النص الجديد بعنوان ( البدر المعتوم ) بدر يا هلا بك ونحن كذالك نتشرف صح لسانك على هـ القصيده الرائعه والهديهـ الرائعه ويسعدنا ويشرفنا وجودك والاطلاع على ديوانك الف مبروك كذا اللي يطول الغيبات ما اجمل ما اتيت به اخي بدر نورت منتداك تحياتي رهب |
اقتباس:
صح الله بدنك يا عبدالرحمن وتسلم على الاشاده طال عمرك.. مشكور ولاهنت على المرور الكريم.. تقبل تحياتي،، |
اقتباس:
تسلم يامقبل صح الله بدنك ومن قال لاهان.. مشكور ولاهنت على المرور الكريم.. تقبل تحياتي،، |
اقتباس:
هلا في مهرة اميرنا ابوزيد رحمه الله.. صح الله بدنك ووجودك الروعه يا أم نواف وانا اللي لي الشرف يالغالية الله يبارك فيك ويخليك والمنتدى منور بأهله وصاحبته الطيبه لا عدمناك ولا عدمنا طيبك يا أم نواف:r: ومشكوره ولاهنتي على المرور المشرف.. تقبلي تحياتي،، |
[table1="width:95%;"] | [/table1]بدر لاتعليق بحضور الشعر كنت ناوي اكتب قصيده بس يوم اطلعت على هذه القصيده اكتفيت من الكتابه لأنها ادت الغرض اللي بخاطري وزياده بدر صح لسانك صح لسانك امتعتني بهذا النص ياكذا شعر والا بلا تحياتي |
الغالي الشاعر بدر العجاليين الله يسعدك ويوفقك لما فيه الخير اسعدني مروري على متصفحك ومصافحة هذه القصيده الباسقه انت شاعر متمكن ورائع بحضورك وصح لسانك وعلا شانك يالغالي وتقبل تحياتي |
اقتباس:
تسلم ياعقاب وانا سعيد بإستمتاعك بالقصيده وتأكد أن إشادتك تسعدني يالقرم وبمثابة وسام افتخر به:thumb: صح الله بدنك والله يرفع قدرك ويعز مقدارك ان شاء الله ياعقاب.. ومشكور ولاهنت على المرور الكريم.. تقبل تحياتي،، |
| الساعة الآن 10:55AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية