ولـــــــــك ياغــــــــــــراب...فراتية
 

ولـــــــــــــــــــــــك ياغــــــــــــــــــــــــــراب


يعتب علي بعض الزملاء بأني مقل في نشر النصوص الفراتية ...
لهم ولكم هذه الورقه القديمة والتي أفتتحها بهذه الأبوذيات الثلاث..
واتمنى ان تحوز على الرضا:



(1)

أمد ايدي على صـدري وادقه
واشو مامش قـلب ينبض ودقه
حزن يعــقوب راح وراح دقه
وانا ناري علــــــيهم دوم حية

(2)

الف علة من الـــفرقا ترى بي
واشوف العين لازالــت ترابي
أنا لوميت ولــــــــــموا ترابي
أقومله عظم لو مربــــــــــــيه

(3)

يانار البضمير وكل نوحـــــــن
عظيمة ولايخمدك طوف نوحن
سحت ياريم من حبك وانوحــن
مثل مجنون ليلى العـــــــامرية






ولك ياغراب
دليني على الخلان...
قربانك
قلبي مورث وعلقان ..
لونو بلون جنحانك
وهو ريع..
وآنا المثل المضيع
ظليتن أباري الماي
كني أم لولد غرقان
أدور هواي ..
وأسأل عنه من شافه
دخيل الله تدلوني...
هذاك العينه حرقة ثوب ..
هو وينه؟!!!
ولك دمعي يحرق الثوب
من بينه!!!
أنا شبيدي بعد ياهواي
اذا دنياي صارت ناي
اذا صبري ضحى دفلة...
وحدر لكلاي
يلوموني ..
لي هما يلوموني ؟!!
سحت مجنون!!
موبيدي ..
ولك هذا الهوى البسكوت
ياسيدي..
ضيعلي عناقيدي ..!!
وصرت ميت ..ولاميت
أمانة وأسألك عنها
أمانة احلفك ياغراب
اذا جاني الأجل هالساع
قلهم لايغسلوني .......
ولاحتى يكفنوني
يودوني ..لعند هواي
من فرط الندى البشفاه
لوهومن عرق خده ..
يغسلني
ويكفني ..
بجفونه القاطعات أميال
تعبانة..
واذا همم يدفنوني
قلهم لا يدفنوني..
يتركوني ..
بين عيونه يدفني
مشان يزوني كل حاز
يقرا الفاتحة لروحي
وهو روحي..
سلام الله على روحي!!!!



الطائر المفقود
الرقة 04\04\2004م

مقبل الفهد


شكرااااا لمرورك




لك ودي الخالص

الله ياعبدالكريم ..
الله عليك ..

مايكتب هالقصيده ألا شاعر مبدع .
أستمتعت في صياغتها وفي بحرها .
كم أنت رائع ..

تقول :
ولك ياغراب
دليني على الخلان...
قربانك

وأنا أقول قربان هالحضور الرائع

:)

تحياتي لك يامبدع .

أميرة السمو والتواضع ..
شكرااااا لمرورك النور بهذا النص المتواضع
وشهادتك وسام على صدري

/
/
/كل عام وانت بألف خير بمناسبة الشهر الفضيل

ودمتي بألقك المعتاد.