|
اسمه ورسمه
الله من قلب من الهم جايش=لو زاد جوشه هل من دمعتي جوش هم بنى وسط الضماير عرايش=الياس جدرانه وبالخوف مفروش مات الامل في داخل انسان عايش= حزنه حقيقي وان ضحك ضحك مغشوش ترصده سهم من الحب طايش = سهم العيون وفوقها صفة ارموش تضفي على خد دميه بشايش= لون الدما والخد ماهوب مخدوش والريق رشفه منه تروي العطايش= خمر وعسل وبشفته ورد مرشوش والعنق عنق اللي رعى بالحشايش= متذير من كثرة الرمي مربوش وذراعه المبروم يزهى الغوايش= والصدر عن طلع كما الليم مفتوش ويامن سعى مابيينا بالحرايش=وحبل الوصل باسبابهم صار منفوش لو دون وصله حطوا الفين حايش= اسمه ورسمه داخل القلب منقوش |
ترصـده سهـم مـن الحـب طايـش سهم العيـون وفوقهـا صفـة ارمـوش ياسلام ياسلام والله انها تروي العطش بدون مجامله يالنشمي فالك العز والطيب |
جزاء سفر
ارررحب ترااحيب المطر صح لسانك ،،استمتعنا بما وجدنا تـح ــيتي ووافر التقدير |
الشاعر القدير / جزا سفر
جميل وأكثر من جميل أنت والله قصائدك عذبة تروي كل متعطش لقراءة الشعر .. نقي / وجعلتنا نتنفس النقاء / لك الورد الطائفي والريحان والكادي ... |
ويامـن سعـى مابيينـا بالحـرايـش
وحبل الوصل باسبابهم صـار منفـوش صح لسانك ولا عدمناك تحياتي |
جزاء بن سفر .. شاعر كبير في حضورك .. وأبيات جزله من شاعر جزل . أعجبني كثيراً . كل ماقرأت . تحياتي لك . |
شاعرنا القدير
جزاء بن سفر صح لسانك واحساااسك قصيدة رائعه وعذبة وجازت لي حييييل صح لسانك واحساسك ننتظر جديدك ومميزك تقبل مروري وتحياتي |
اقتباس:
ماباقي الا جلد وعظام وعروش هلا بك في متصفحي واتمنى انها فعلا تروي العطايش حضورك مبجل اخوي نمر |
هنا تشربت شعرا متألق الحرف والمعنى
استمتعت بما قرأت من جمال فكرك الخصب ودي وتقيري |
جزاء بن سفر صح لسانك على هالقصيده التى اعتمدت على الوصف الذى قلما نسمعه وهو أجمل ماتمتاز به قصائد الغزل وأذكر على سبيل المثال قصيده للامير/ محمد السديري .. منها والعين عين اللي تعلا على الوح شهب اللحبارى بالخلا قد طرحها وليا عرضتله بالهواء لاحها لوح اما ضربها عرض وإلا نطحها الى .. الخ فقط قصدي من الايراد : أنه جميل الوصف كما قرأته برائعتك صح لسانك تحياتي لك |
| الساعة الآن 07:49PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية