|
دمعي سبقني
إهداء إلى منتدى رهب الغالي
كلي أمل ان تنال على رضاكم ياليتني مارحت يم العزيمه=وياليت ربي في طريقي منعني كان الجروح اللي بقلبي مقيمه=تقعد على ماهي ولا زاد غبني حضرت ميرالصدر ناره ظريمه=واكبر مصيبه يوم ابوها طلبني قال انت لازم تشهد بعقد ريمه=وقعت بالدفتر ودمعي سبقني كني وانا اوقع اقريجريمه=وحاولت اكف الدمع لكن غلبني حاولت ابارك واخفي جروح اليمه=وحاولت اجامل مير دمعي فضحني قعدت والدنيا بعيني ظليمه=حاولت اقوم وساق رجلي خذلني الحب عاقبته ياماجد وخيمه=كن الحنش في سم نابه نهشني انا اشهد اني ذقت مر الهزيمه=ثلاث جولات(ن)وحظي هزمني ومن عقب ذاك اليوم روحي سقيمه=والظاهر ان يومي ياماجد قربني اللي بوسط القلب ربي عليمه=وان مت لاتنشد عن اللي ذبحني هي عارفه مهيب فيني غشيمه=كم مرة(ن)تهد صرحي وانا ابني ربي يهنيها وفرحه يديمه=حلفت ما انساها ولو حل دفني |
العجاجي صح لسانك وكلك قصيده مؤثره احداثها ولاكن الزمن قد يجبرنا يوما ما ان نطيعه نزف مؤلم وموقف اصعب دمت بخير ودام نبضك تحياتي لك رهب |
صح لسانك وعلى شانك
االشاعرالقدير على العجاجي لاهنت على هذه القصيده الرائعه بماتحوي من كلمات ممزوجه بألم الاحساس والعذوبه ماننحرم من جديدك اخوي الف شكرلشخصك الكريم وفقك الله ورعاك ودمت بخيرومحبه |
الغالي الشاعر علي العجاجي الله يسعدك بجميع اوقاتك بكل خير اسعدني تواجدي بمتصفحك لمصافحة قصيدتك الصادقه بمضمونها رغم المه قصيده تصويريه تحمل من المعاني كل جميل ونزيه فانت شاعر تنتقي الاجمل ومتمكن وبارع وايضا مبدع وما اقول الاصح لسانك وعلا شانك وتقبل تحياتي |
على العجاجي صح لسانك قصيده جميله ومعبره ياليـتـنـي مـارحــت يـــم العـزيـمـه وياليـت ربـي فـي طريـقـي منعـنـي تحياتي لك |
القدير
علي العجاجي تألمت كثيراً حين قرأت هذه القصيدة رغم روعتها ولكنها نازفة وإن دل سيدل على نجاحك في تصوير المشاعر تقديري |
اقتباس:
على العجاجي نسجت من اعصابك رقعة رسمت عليها بدم شرايينك لوحة درامية نفخت فيها بقايا انسان ورغم ماساويتها بالنسبة لك الا انها بالنسبة لنا لوحة غاية في الجمال بارك الله فيك وسلم قلبك وادام نزف قلمك |
. . . صح لسانك اخوي علي العجاجي قصيدة مؤثرة وصعوبة موقفها البسها الجمال والتميز. الله لايهينك. . . . |
الاميرة ريما السديري اسعدني وشرفني أن تكوني أول من صافح هذه المتواضعة اشكرك جزيلاً على تعطيرك متصفحي هذا واتمنى ان تكون نالت ولو على جزء يسير من ذوقك الرفيع تحياتي وتقديري |
عقد ريمه من القلب للقلب شاعرنا علي دام تألقك |
| الساعة الآن 04:42AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية