صوتيه (( العــز ماهو قــرابــه )) صوتيه
صفحة من الحياة إلى شخص أصبح الماضي القرابه
أستودعك ياصاحبـي خاطــري طــاب= ملّك رفيقــــك من زيـادة عتابــــه أنا كذا مخلـوق واللـه له أسبـــاب =منته علــى اللـه والـــيٍ في حسابه إن كنـت ناوي بالمفــارق لـك البــــاب = خـل الصـــغيـره لاتـــدوّر طلابـــــه عــاشـرت بالدنيـا قريبين وأغــــــراب = وكثير قبلك من نوى في غيابـــــه ناظـر بقلبي من المعانـــــاة منعــــــاب = ولازلــت أضمّـــد بالحنــايـا صوابـه مبطي قـــريـت الكون في صفحة كتاب = فيـه القلـم ينهـار عنـد الكتابــــه عمرك سمــعت برفقـة الطيـــر والــداب = يامـن تظن الـــروس مثـل الذنابـه مانـي بطايح كـــــــل مازدت بغيــاب = الكون صــدره يتسع لك رحابـــــــــه ولاتحــســب إنــــي لاتيتــّمت منصـاب = عمـر الرجل ماكان عــــزّه قرابـه مبطـي أقول الكـون تندر به أصحاب = ومحنا بعصرٍ للنبي والصحابه تعبت أراعي عشــــــــرةٍ كلها نــــاب = تنهش قفا الميت وتطلب ثوابه ياللي تصف الهرج بأسلوب جـــــــذاب = تبدي الســـــؤال ولا تعرف الإجابه نفسك تموت إن ماحصل يوم تغتــــــاب = وإن قلت به مليون عيب تهقابــه يكفي فخـــــر بإنّي من النــاس منهاب = يوم أنـت تجهــل ويش معنى المهابه وإن كان ظنك بأفقدك فأحسب حسـاب = مثلي ليامن عاف .. أقطع رجابه عادل الظفيري |
مبدع رائعه احسست بها اخي عادل صح كلك احساسك قوي ما شاء الله دام تميزك وابداعك دمت بخير |
الغالي الشاعر عادل الظفيري الله يسعدك ويوفقك لما يحب ويرضى اخي اسعدني ان اكون ثاني مصافح لقصيدتك الناريه القويه بما تحويه في طياتها من مضمون ومعنى والله يعينك وانت شاعر غني عن التعريف وجزل وما اقول الا صح لسانك وعلا شانك تقبل تحياتي |
الشاعر/ عادل الظفيري
مبدعٌ أنت وشامخ دعواتي لك بما يسعد روحك الشامخه |
. . . . صح لسانك اخوي الشاعر المبدع عادل الظفيري.. أعجبتني الصورة المبتكرة( رفقة الطير والداب) يعطيك الف عافية. . . . . |
عادل الظفيري .. شاعر كبير . وصح لسانك .. قصيده رائعه أسمتعت جداً بقرائتها . ونتشوق لجديد أبداعك . تحياتي وتقديري . |
الشاعر عادل الظفيري صح لسانك قصيده جميله ورائعه ابدعت اخي في التصوير تقبل صادق الود |
صح لسانك أخوي قصيدة رائعة ياعزيزي تقبل مروري |
الساعة الآن 06:04AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية