جتني جروحك هدايا
يا صاحبي جتني جروحـك هدايـا=وأنا عطيتك مهجة القلب والـروح هذي جروحك في جميـع الزوايـا =جتني وأنا ما كنت أبي منك مصلوح كنت انتظر حسـن الأدب والنوايـا =واثر الكتاب بدون نقراه مشـروح أهل الوفـاء صاروا لمثلـك ضحايا=وجه الحيا من شين مبداك مجروح صاحب إذا جيته يحسـب الخطايـا =اترك غلاه ولا تشيد لـه صـروح والصاحب اللي غاب يوم الرزايـا =لا قول له تكفى ولا قول مسمـوح هـذاك مـا يفـزع بيـوم المنايـا =حتى لو ان أخوه بالبـاب مذبـوح أنسـاه وانخـى طيبيـن السجايـا =اللي يخلد ذكرهـم صـادق البـوح أهل الجميـل مورديـن الضمايـا =لوصالهم بـاب المعاليـق مفتـوح ينافـسـون بفعلـهـم للطنـايـا =أهل الدلال اللي لها بالخـلا فـوح تقبلوا تحياتي سعيد بن عبد الله الغامدي |
صح لسانك يابوعبدالله قصيدة جميلة فيها من الحكمة الشيء الكثير وبصراحة قصيدة لاتمل قراءتها يعطيك العافية تقبل تحياتي وتقديري |
الشاعـر / سعـيد الغـامدي / متألق دائماً / كعادتك .
لك الورد والريحان والكادي .. |
..
.. .. .. سعيد الغامدي صح لسانكــ وسلم فكركــ قصيدة ( ما عليها كلام) . . . |
الشاعر القدير
سعيد الغامدي صح لسانك واحساسك على هذه القصيدة العذبة والجميلة لا خلا ولا عدم من جديدك وحضورك الراقي تقبل مروري وتحياتي كل الود لك |
الغالي الشاعر سعيد الغامدي اسعدك الله بجميع اوقاتك بخير قصيده قويه جدا بمضمونها ومعناها فيها من الوعي والادراك ما جعل لنا بها فهم من واقع طرح الشاعر ونزفه الشعري وتصوير الحقائق لنا بما يكون له فائده لمن لا تجربة لديه فهي تعطي عن مفهوم الطيب والردى باختصار مع النصح سلمت على هذه القصيده الرائعه وصح لسانك وعلا شانك يالغالي وتقبل تحياتي |
صح لسانك وعلا شانك |
اقتباس:
أخي محمد القباني صح قلبك وفكرك بارك الله فيك وعافاك ربي تقبل تحياتي |
قصيده جميله وجزله
صح لسانك ياسعيد لاهنت سلاااام |
القدير عبدالله الغامدي كلمات جميلة دام تألقك بحفظ الله ورعايته |
الساعة الآن 03:52PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية