|
المرأه وقيادة السياره
انني اود ان اخوض كغيري ممن سبق له ان ادلى بدلوه في مجال المراة وقيادة السياره لماذا هذا الاصرار من قبل مجلس الشورى الموقر على عدم اجازة المراة لسياقة السياره وانني على يقين ان الشرع لايمنع ذلك والادلة الدامغة بين ايدينا كثيره 0 اولا كانت وسائط النقل والتنقل في العالم اجمع الحصان وفي البلاد العربيه والاسيويه الجمل والحصان هذا بالاضافة الى الحيوانات الاخرى 0لم يكن في الماضي القريب والبعيد ان مارس الحكام مثل هذه الاوامر التي تمارس اليوم 0 ان كان الامر بسبب الستر الجسدي للمراه فان السيارة استر وان كان المراد الخوف من مطاردات الشباب لهافان في الجوار اقصد الدول المجاره لم نلحظ ان هناك شكاوى تسجل ضد هكذا شباب الا فيما ندر افول هذا لانني كثيرا ما اكون في بلاد كتلك بضيافة اقارب اوصديقات 0 دعونا نذكر الفارسه العظيمه خوله بنت الازور التى ضربت اعظم الامثله في الفروسية نزالا وقتالا وهي تصول وتجول على صهوة جوادها مما ابهر سيف الله المسلول خالد بن الوليد حتى ان الجند كانوا يحسبونها خالد بن الوليد حتى حل بينهم خالد 0 ولندع هذا جانبا ولنقل لماذا لم يطاردها احد وهي امراة ذات جمال اخاذ 0راكبة الفرس يبان منها مايغري الكبار قبل الصغار 0 ياساده لقد بارك خالد خوله الموءمنه 0 اعزائي يقولون علموا ابنائكم فقد خلقوا لزمان غير زمانكم ويقولون البسوا لكل لبس لبوسها فكم من رجل اغمي عليه وهو في طريق طويل اكملت الطريق معه ابنته اوزوجته وخلصت الى الامان من شر الطريق 0 وشكرا
|
كلام جميل اختي وجدان ..... ثقي الاسلام لم يحرم سياقة المرأة .... فقط المسألة تحتاج الى بيئة سليمة ووقت لاأكثر متى وجدت البيئة اللتي تحافظ على هذا الكيان اللطيف لانه كيان غالي علينا هي امنا واختنا ووووووووووالخ اقصد متى وجد ولي الامر انه قادر ان يحمي هذا الكيان منذ خروجه من البيت الى رجوعه سالم من الاذى تأكدي سيسمح لها بالقيادة ..بظني المسألة تحتاج الى وقت وتنظيم وحماية لااكثر ... بكل امانة اطلعت على بعض الدراسات رأيتها جدا راقية من جميع الزوايا ... فقط وقت واعطاء فرصة لولي الامر لتهيئة المناخ الامني والفني والتشريعي |
أنا معك قلبا وقالبا ... وفكرا وإرادة ... |
والله كلام منطقي ولكن خلونا في الواقع
الحين وانتي الله لايهينك مع سواق او في سيارة معك احد معرضه للمعاكسات والمشاكل فكيف عندما تقودين لوحدك؟؟ صحيح الاسلام لم يحرم ذلك ولكن البيئة كما تفضل الاخ احساس والم لاتستطيع ان تستوعب تقبلي مروري اخوك عبدالرحمن |
اقتباس:
أخوي عبد الرحمن الواحد بس توقف دقيقة تنتظر سيارتها بجانب السوق أو المكتبة أو أي مكان تتعرض للمعاكسه بالعكس وهي بسيارتها أصون .. غير السواقين وغثتهم ... . |
ههههههههههههههه
والله مو اصون الا اضيع والله مذهله والله مهوب احسن للبانت يسوقون والله والله والله وانا والله ضد الفكرة هذي والله وعكسها ليش تسوقون طيب اذا بنشرت السيارة من يصلحها ؟؟؟؟ اذا خربت من يصلحها؟؟؟؟؟؟؟؟ مذهله اتمنى انه يكون نقاش ووجهة نظر لااكثر واناالحين مضطر اطلع وبرجع ولد عمي بالمستشفى بزروه وارجع لكم ونكمل وهناك للحديث بقية |
الله واكبر إذا بنشرت السياره ليه حنا في صحراء .... عادي .. بعدين لازم الواحده تعتمد على نفسها بالنسبه للمعاكسات الموضوع بسيط ممكن تتفاداه بحمل مسدس صغير معها .... :thumb: بنت الرجال تعرف وشلون تصون نفسها ..... شكرا |
شكرا مذهله شكرا
انااكتفي بهذا الحد من النقاش واحترم وجهة نظرك طال عمرك اخوك عبدالرحمن |
قيادة السياره ماتنفع في هذاالزمن البشع
صارينخاف على الولدشلون البنت بس الشيءالوحيد الايجابي فيها فيه حالات تظطرالوحده تسوق السياره مثال مرض طفلها او ابوها اوامها ولاعندها احدممكن تتصرف ولاتضمن مفجاءت الطريق ومقارنه بالدول الاخرى لايخلي بلدمن المشاكل ولامن المعاكسات وكانت عندهم االسواقه من سنة الحطبه حنا البلتوث وهوالبلتوث استغل من البعض بالاشياء السيئه شلون عاد سواقة البنات وماتجلب الاابرك لنا في بيوتنا وسواقتنا في البر ههههههههههههه افضل وفي مقال لوحده اجنبيه مايخضرني اسمها المراه السعوديه اميره كل متطلباتها واحتياجاتها تتوفر لها من الرجل ولو ناظرنا لنعم اللي عندنا فهي كثيررره والحمد لله وبالنسبه لحمل السلاحhttp://www.shbt-hail.com/vb/images/smiles/s26.gif<<< وشعندهابحرب :) بصراحه يفضل حمله مع السائق طبعا اذاكان حريم بدون محرم والله يحفظ الجميع ويديم علينا نعمة الامن والامان الف شكرلك وجدان على هذاالطرح لاتحرميناقادمك دمتِ بخيرومحبه |
اقول ريحنا ونطقن ببيوتكن سواقه مافيه فيه اسواق !! <<<هههه أمزح لا تزعلون بصراحه انا أقول ليش مايسمحون لكبيرات السن مافوق الخمسين سنه بالقياده ضمن المدينه فقط وفى ساعات محدده مثلا من 6صباحاً الى 11 ليلاً المهم مالي دخل ذا موضوع شايك تحياتي لكم |
| الساعة الآن 09:13PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية