|
ذكريات قديمه ومواقف يوميه
[TABLE1="width:95%;background-image:url('http://www.rhb-reema.com/vb/mwaextraedit2/backgrounds/11.gif');border:4px double green;"] | [/TABLE1][TABLE1="width:95%;background-image:url('http://www.rhb-reema.com/vb/mwaextraedit2/backgrounds/11.gif');border:4px groove blue;"] | [/TABLE1]السلام عليكم ورحمة الله وبركاته اللي عنده قصه او ذكريات او موقف يجيبها الله لايهينه هنا من شان نستنتج ونستفيد من مواقفنا وذكرياتنا وقصصنا وجايب لكم موقف حصل معي قبل فتره قصيره : عندي سياره هبلت فيني ما ادري وش علتها موقفها من قبل رمضان ويوم جيت اشغلها عيت تشتغل قبل فرته قصيره وديتها بسطحه ومن محل الى محل علشان يصلحونهاوفك وربط لا هنا لا هناك ود هذا وجب هذا واخر شي بعد مافقدت الامل عند آخر محل اللي هو الثاني بعد ماقال لي ودها التشليح بعها خرده عاد هي لها ذكريات معي وقصص ومواقف ماني قادر انساهاوصعبه وحسره اني اجازيها بالطريقه هذي اخيرا بعد ملل وتطفيش قال راعي محل الله يجزاه خير فيه محل فيه شايب يعرف للسيارات القديمه وعنده خبره طويله ودها يمه قلت توكلنا على الله مشينايمه المهم سحبناها وراح معي واحد من العمال راعي المحل علشان يوصف لي مكانه جبنا السياره ودينها يم راعي المحل وحطيناها عنده ومشينا لاني اني متفق مع العامل اوصله للمكان اللي اخذته منه وكلها دقائق ورجعت للشايب على بال اخليها عنده ايام الا وهو يقول خذ سيارتك مالقينا فيها شي المتور شغال زي منت شايف انهبلت وطيرت عيوني بالموتر ماني مصدق الا والموتر شغال مايحتاج كيف وشلون علمني وش سويت فيها قال ماسويت فيها شي شغلتها واشتغلت الى الان منصدم ماني قادر اصدق بعد ماهبلت فيني كن وسطها جن وللا عفريت ناشب في الموتر وانحاش يوم شاف الشايب:d |
هههههههههههههههههههههههههههههههههههه
لا جني ولاشي بس الخبره لها دور يعطيك العافيه الفكره حلوه انا طال عمركم عندي ذكرى لها تقريبا ثلاث سنن المهم مره سافرا لبيت الجدتي الله يطول عمره وعاد هي بيتها في منطقه جبليه المهم تونا واصلين كان الوقت مغرب دخلت سلمت وقعدت الاوخالتي قامت تبي تكنس الصاله اللي تحت عاد انا ووجهي مسويه نشميه وحقت فزعات قلت لا ارتاحي وانا بكنسها.. ميصير ضيفه منا مناك شد بيننا الكلام وحنا نتحالف بس بالاخير انا اللي رحت عاد من قوة الامانه فيني لازم اخلص في التنظيف شفت فرشه وربي يمكن اكثر من سنه مااحد رفعها من مكانه اختكم في الله اللي هي انا بنظفها علشان جدتي تمدحني الا مامداني ارفعها الا وذيك ((الحـــــيــــــــه)) ياطولها طلعت نطت علي لا شعورين دفيتها وقمت اصرخ واصوت وجبت العيد جاء الوالد الله يعطيه العافيه وقتلها انا من صراخي جمعت الامه المهم بعد ماشفتها ماتت بكيت ياهو بكى ياهي دموع مدري من وين جبتها بعد طالت اعماركم من الفجعه حطيتها نومه لين اليوم الثاني المغرب الحمدالله على سلامتي ولا يعيدها ويا الحظ العنيد الفزعات اللي مالها داعي بطليها مافي داعي تنمدحين لكم مودتي الحــ العنيد ــظ |
[table1="width:95%;background-image:url('http://www.rhb-reema.com/vb/mwaextraedit2/backgrounds/11.gif');border:4px double green;"] | [/table1]الله يكفينا شرها الحمدلله على سلامتك لازم الانسان يكون منتبه في مثل هالمواقف المؤثره يقولون عاد البدو اللي ينقرص عندهم يقطعون مكان اللي انقرص فيه الشخص علشان يخرج السم وبعضهم يحط المكان اللي انقرص فيه وسط سطل بانزين لانهم يقولون انه يمتصه ولاجربت هالشي ولكن اخوي انقرص من عقرب وحط رجله الوالد في سطل ماء وملاه بانزين وطلع السم من رجله وبعدها وديناه للمستشفى ياكثر ماشاف حيات وديبان وعقارب<<----< |
موضوع رائع وأنت اخوي كحيلان أروع والله يعطيك العافيه على فكرة الموضوع . لكن لانوصيك وهذا موضوعك .. نتمنى نقرألك بعض المواقف في هذا المتصفح الرائع وأنا لي عوده قريبه ببعض المواقف اللي حصلت معي لكن ماهي بالصناعيه :) تحياتي لك |
[table1="width:95%;background-image:url('http://www.rhb-reema.com/vb/mwaextraedit2/backgrounds/11.gif');border:4px double green;"] | [/table1]السلام عليكم ورحمة الله وبركاته اهلا وسهلا عبد الكريــم الضبيب بالنسبه للمواقف عد واغلط كثيره ولكن لي عتب لانك ماجبت لنا موقف او حكايه او من الذاكره [table1="width:95%;background-image:url('http://www.rhb-reema.com/vb/mwaextraedit2/backgrounds/11.gif');border:4px double green;"] | [/table1]مره كنت ادرس في مدرسه كل ما اطلع من المدرسه احصل مضاربه وكنت استغرب الشيء بدون ذكر المكان والمدرسه واول مضاربه حصلت معي بحياتي كان عمري وقتها تقريبا من ثمان سنوات الى تسمع سنوات كان فيه ولد اكبر مني بسنه او سنتين تولجني كل ما اطلع من الفصل يطاردني ومع هذا ماكنت اعرف للمضاربات ولكني كنت اشوفها بالأفلام الملاكمه والكراتيه زي كذا المهم الولد هذا كان يفكر اني خايف منه وكان عليه جسم دب يعني ومره من المرات كنت ناسيه وماكنت منتبه الا وهو قدامي على الدرج ينتظرني انزل من الدرج الولد حاول انه يمسكني لاني كنت وقتها نحيف وهو دب ولا اعرف اضارب ولاعندي خبره بالدفاع عن النفس والمثل يقول مادون الحلق الا اليدين ولكني بدون لا ارادي فجئه وبدون مقدمات حاول انه يمسكني علشان ما اهرب منه اللا ويدي تمشي طبلونها على الوجه مادريت الا وانا ضاربه بكس يعني انك تجمع اصابعك وتضغط عليها وتصوبها الا المكان المراد ضربه والوقت هذا يسمونه الضربه القاضيه بالملاكمه الا والود ماسك خشمه وحاط يدينه على خشمه لان الضربه جت على الخشم مباشره وكلها ثواني وافرك من عنده وهذاك علمي به من يومها ماشفته.... وسلامتكم |
[table1="width:95%;background-image:url('http://www.rhb-reema.com/vb/mwaextraedit2/backgrounds/11.gif');border:4px double green;"] | [/table1]هالمره جايب لكم موقف ومشروع ناجح رحت للصناعيه لان الموتر صديقي يعاني من صداع والتماسات كهربائيه وثقيل نوع ما عموما دخلت الصناعيه ابحث عن كهربائي وحصلت كهربائي وعلمته بالمشكله وصار بيني وبينه نقاش حول الاسعار لانه كان يطلب مني مبلغ خيالي حيث اني ارى اننا نكد ونكرف ونتعب شهر كامل مانقدر نطلع اللي يطلعه الكهربائي باليوم حيث اني وجدت ان هذا العامل المسكين الضعيف يدخل عليه يوميا اقل شي الفين ريال هذا اذا ماكان في زبائن من الشباب السعودي طبعا لان اغلبيه الزبائن شباب سعودي حز بخاطري الدراهم هذي وين تروح اكيد تروح للهندوالدول الأخرى شي طبيعي ومن وجه نظري الشخصيه اعتبر ان تواجد هؤلاء العمال غزو بطريقه غير مباشره يعني بدون اهدار الدم والقتل والتشريد حيث انه اقل شخص في هذا المكان يقدر يطلع باليوم الواحد اكثر من الفين الى الف ريال وخلال سنه يقدر يبني قصر متكامل وفيه اربع نساء حلال محله الله من غير المشاريع الأخرى تخيل انسان مواطن عادي لايوجد لديه مهنه مثل هذي المهن اللتي يوجد فيها ملايين الريالات يعيش طول عمره مايقدر يبني منزل يعيش مع اسرته بدون اجار |
السلام عليكم ورحمة الله وبركاته فكرة موضوعك هذى يبيلها بيت شعر .... وقهوتك وتميراتك وشايك على المشب جاهزه ... يعطيك العافيه .. انا سوالفي ماتنتهي ..بس من النادر اتحدث فيها ... وعلشانك لانك من اهل الطيب واللي مثلك مايرد ولايهونون البقية بقولك سالفه من سوالفي ... المهم من كم سنه عندي غرض في الخفجي ... يعني كم ساعة وبرجع ديرتي الكويت ... المهم كان اشتى علينا يعني برد ومطر وانا هذي مااطوفها احبها .. قررت ان اروح الخفجي لغرضي ..لوتدرون وش هذا الغرض تضحكون شي مايسوى ابدا ..بس كان قصدي كله الاجواء المغيمه ... خليت سيارتي المعتاد اسوقها ... واخذت السيارة الاخرى ...مالت الدلع بس احب كشناتها مريحه وانا بطبعي احب سياقة الاوربي ... خليت البي أم واخذت الرينوا ... ماشاء الله عليها سياقه عجيبه ... وسائدها مريحه جدااا .... الشاهد اخذت بشتي الوبر معي وتوكلت على الله على الحدود ... يازين الجو في ذلك اليوم .. خرجت جوازي من حدود الكويت بكل راحة ... وسلمت عليهم وكملت الى حدود المملكة ...وكملت اجراءاتي واختموا جوازي ماقصروا الله يجزيهم خير والان بركب سيارتي ..شغلتها قالت لا هذا مكاني حبت ارض الحدود ..يالحبيبه اشتغلي ...معانده موقته الدلع ..ماهي راضيه تشتغل طيب والحل والدنيا ترعد وبرد ومطر ...وش اسوي في هذي الحاله ...مافيه تلفونات وتلفوني المحمول النقال في وقته يحملونه اثنين ... مااخذته معي اعرف مافي خدمه له داخل المملكه ..طبعا السالفه قديمه ...انظر يمين يسار وين اروح وشلون اتصرف ..والنفس عزيزه ..عمري ماطلبت احد ... واللي يمروت يشفون حالتي مع سيارتي محد قال تبي شي ...ففكرت ارجع الكويت بس شلون .... والجواز مختوم ..بالدخول الى اراضي المملكة الله يحفظها من كل شر ....الشاهد قررت ادخل على الموظفين اكنسل الدخول ويختمون على جوزاي الخروج ...فعلا قصه .... وانتم عارفين اجراءات الحدود ..دخلت على الموظفين اشوفهم محد معطيني وجه ..تدرون ليش في لعب كرة قدم بين الكويت والسعوديه على كاس الخليج ..والكويت غالبه والنفوس شينه ..زادةالقضيه سوء ..وانا صرت ضحية كرة القدم ...والله بدون مبالغه اغلب الموظفين عيونهم على التلفاز .. وادعوا الله ان يجيبون السعوديه هدف ...حتى تسهل اموري ..والحمد لله الله استجاب دعوتي وجابوا بدل الهدف هدفين ..والضحك والصراخ بينهم ماتوصف ...دخلت من مكان لمكان من حجره لحجره بكل سهوله والضباط فرحانين والافراد معهم والكل يختم لي ..يعني خدمه سبع نجوم .. لاني ابي ألغاء ختم الدخول ...وابيهم يختمون بالخروجيه ..وانا بين الجوازات والجمارك ..والمسأله ماهي سهله بس الهدفين سهلوا لي الكثير ...المهم ختمت الخروجيه ..كأني سمعت ان الكويت جابت هدف فحمد الله انا خلص جوازي ...طيب اللحين شلون ارجع ...سيارتي معيه تشتغل وداخل السعوديه ..وهذا لايهم بس ماخذه مكان خطأ ..انا اللحين مابي السياره وان كانت جديده ..المهم ابي ارجع وارفع الحرج عني ....فقررت ان اخذ بشتي من السياره .. واحطه على راسي ..وقبلت الكويت مشي ... والمطر والبرد يضربني .. وانا امشي والمطر بازدياد والدنيا بدت تظلم ... كل هذا لايمكن ان اطلب من احد ان يوصلني ... ولما ظلمت الدنيا وثيابي غزاها ماء المطر ..وصلت حدود الكويت ..وهم يناظروني .. وقلت قصتي ... قلت الحمد لله المال عندي وجوازي عندي ....بس مشكلتي بسيارتي زعلانه علي ...ضيفوني ماقصروا والكويت صغيره بعضهم عرفته وعرفني ... اكتفي بهذا القدر ..ادري مللتكم بها |
[table1="width:95%;background-image:url('http://www.rhb-reema.com/vb/mwaextraedit2/backgrounds/11.gif');border:4px double green;"] | [/table1]وعليكم السلام ورحمة الله وبركاته لاهنت على هالكلمات الراقيه والاخلاق الجميله اللي تدل على الاصاله والمعدن الطيب من وجه طيب الله يحييك من ملفاك لملقاك بالنسبه للحكايه او الموقف اللي حصل لك ابشرك ماعمري طلعت خارج السعوديه ولا ودي اطلع اللا في مهمات وطنيه لاني الحمدلله والشكر الله معطيني خير وحتى ان فكرت اروح ما ابعد واجد يعني حدودي على نجد وعلى الجنوب وعلى الحجاز لاني زرت هالمناطق هذي اكثر من مره لكن المناطق الاخرى مثل الشرقيه والحدود الشماليه ماحصل لي فرصه لاني اذهب لعمل او زياره اقارب حيث كان لنا اقارب في نجران بالحرس الوطني واهلنا كلهم بحائل والرياض والقصيم وهذي روحاتي وجياتي وسلامتك وسلامت الجميع:r: |
[table1="width:95%;background-image:url('http://www.rhb-reema.com/vb/mwaextraedit2/backgrounds/11.gif');border:4px double green;"] | [/table1]السلام عليكم ورحمة الله وبركاته عدنا كنت نايم ومادريت الا والجوال يتصل واقوم وامسك الجوال الا والله هذي خالتي سلام .. عليكم السلام. ودي توديني المستشفى عندي موعد بعياده الاسنان ولافيه غيرك يقدر يوديني تذكرت بنفسي مثل قديم يقول لاهم الا هم العرس ولا وجع الا وجع الضرس قلت خلاص ابجي مسافه الطريق ونا رايح الا والهندي على الطريق السريع يئشر بالشموس واهدي السرعه واركبه هاه ياصديق وين تبي تروح صديق يبغى يروح جوا داخل مدينه قلت مايخاف ابوصلك الى اقرب نقطه وبعدها انت صرف حالك المهم مشينا لين وصلنا المدينه ودخلنا المدينه اشارات وزحمه واصوات وروائح وخلها على الله المهم شفت الدوريات يفتشون الى واخذ اللفه قلت صديق هذا بليس في مشكله لازم انتا ينزل وانا هنا طريق هذا يمشي نزل الهندي على الطريق ومشيت وخليته وصلت المكان اللي فيه خالتي بسلام تدرون عاد وش مشكلتي مع الدوريات كل ما امر من عندهم قسيمه وتعقدت منهم وصرت كل ما اشوفهم كني شايف شبح او غول وهذا وانا في ديرتي وانا احد ابنائها صارت قسايمي بالهبل والاستماره منتهيه ماقدرت اجددها بسبب القسائم هذا من غير القرض حق البنك اللي ماسددته من زمان ساحب عليهم والديون الاخرى المتراكمه على ظهري يالله انك تحلها يالله عموما الحكايه انتهت والديون تتركام والشكوى لله اللي ماتنام عينه |
| الساعة الآن 10:01PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية