هبي بريحه ياهبوب الشمالي
ياونتاه اللي برت جسم حالي
بري الدبا نبنوب غصن تغشلاه على عشير بالموده صفالي وأزريت أنوش حماه وأنا اتعداه غرو جبينه مثل خط الهلالي سبحان رب صوره لين سواه وحياة رب كمله بالجمالي من مفرق الهامه إلى حد ماطاه إنه من أول وأمس واليوم غالي وأتلى زمانه بالغلا مثل مبداه ماله حلي إلا مودة عيالي أصغر عيالي بالغلاء كنه إياه لابطيت ماشفته وهو ماعنالي عفت المكان اللي يغيضه ويجفاه لو دلهوني عنه مانيب سالي أشفق على شوفه وأهوجس بطرياه شوفه دواي وقل شوفه زوالي حكيم طب جامع داه ودواه حقه علي إلى تزخرف قبالي أبعد مزاره بالهوى واتمناه وحقي عليه إلى أعترض له مجالي يصفح ويلقاني على الطول وألقاه مابه من العذروب عنق الغزالي إلا الزمان اللي حداني وعدّاه ريقه حلا من درّ عفر متالي لاروحن من مدفق سال مجراه هبي بريحه ياهبوب الشمالي كود الجنوب ومطلع الشمس تنصاه عبثن صبيت لعشرته من صبالي سجلي(ن) بنجله والموده مجازاه ياما وياما فرقتنا الليالي نجع قديم وفرق البعد لاماه أقفت مراحيله وأنا أقفت رحالي خليت مداهيله و عميت ركاياه وخان الزمان بعشرته والتوالي ورّثت من يصفق شماله بيمناه وعضيت بسرة شاهدي من هبالي وونيت ونة من نقل داه برداه أسهر إلى نام المعافى لحالي والصبح أجدد ذكر حمّام واسماه هني دحش دب الأيام سالي ماولعه طرد العماهيج وأغراه ولا صلاه من التصاريف صالي وذاق الفراق وتاه مثلي بمسراه ياطول ماطاوع نسيم الهوى لي من قبل يبدي لي من الوقت مجفاه وإعتضت من عقب الجديد السمالي ولا ينفع الفايت ولو قيل ماحلاه ليتي قريب له وبيته موالي والعلم من بيني وبينه مناجاه إن كان له بمواجهي مثل مالي وقلبي معه يبراه والهم يبراه ولا تراني عنه طاون حبالي يلقى وأنا ألقى واحد كنه إياه مانيب من يتبع خفيف الخيالي إلى تحد بارقه عفت مرعاه هذا وصلوا عد رمل السهالي على نبي شيع الدين وأحياه وآله وصحبه كلهم بالكمالي واللي تبع سنة نبيه ومجراه |
أسهر إلى نام المعافى لحالي
والصبح أجدد ذكر حمّام واسماه يعطيك الف عافيه اخوي يفوق الوصف على هالابداع والتميز تقبل مروري ولك مني كل التحيه |
يفوق الوصف
يعطيك العافية على ما اخترت لنا وذائقة راقية كرقيك شخصيا لك مني التحية والتقدير والاحترام |
الحظ العنيد
اسعدني مرورك وتواجدك بمتصفحي كل الشكر لك تقبلي تحياتي |
اخي العزيز
المستشار العاطفي الله يعافيك مرورك عذب وردوك راقيه كما عهدناك كشخصك الكريم كل الشكر لك على تواجدك بمتصفحي تحياتي لك |
الساعة الآن 07:52PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية