جرح الزمان أدمى فؤادي وصديت=عن حبك اللي ليتني ما عطيتك

جيتك مشاعر حب جيتك ولبيت=صوت الحنين اللي فهقني وبكيتك

جرّيت آهات العنا يوم هجّيت=عذب القصايد داهمتني وقريتك

ياما سقيت أرواحنا ثم أرويت=ضمأ لهيب الصمت يومي رويتك

ياما رسمت الحلم وياما تهقويت=تبني صروح أحلامنا وما لقيتك

ياشين وقت فيه حبك تماديت=وأجمل بدايات الوله يوم جيتك

عيشتك في بعدي ولا عيشتي ميت=ما أنذل لو عزك منح صدر بيتك

حظي رماني للشقى وإنت فلّيت=لا إنته بديت الحب ولا آنا نهيتك

اسهر طوال الليل عني تباطيت=أسمع سواليفك وأبد ما عصيتك

برمي الوله والحزن وأرمي التناهيت=وأرمي الليالي دامني قد بكيتك

وبيت الغرام اللي بنيناة ياليت=ماجيت تهدمني بعد ما بنيتك

أونّ من بعدك وبالصوت حنّيت=تشهق لك أنفاس الحكي لا طريتك

كني على جمر الشقاوي تقهويت=فنجال جرحك صبنّي ما أرتويتك

ملفاي مقدام الوفاء يوم دليّت=جرحي دواه البعد وعني رميتك

واليوم والله دامني قد تقوّيت=بعيش بشموخي وأبد ما نخيتك



( نجد الضــــاوي )

كنـي علـى جمـر الشقـاوي تقهويـت

فنجـال جرحـك صبنّـي مـا أرتويـتـك



نجد الضاوي


ابدعتي

بنزف الحرف

وشموخ الجرح

أتي بالجمال والشعر

قصيده روعه

صح لسانك

ودام نبضك


تقبلي مروري


تحياتي لك

المشاركة الأصلية كتبت بواسطة نجد الضاوي (المشاركة 113074) جرح الزمان أدمى فؤادي وصديت=عن حبك اللي ليتني ما عطيتك جيتك مشاعر حب جيتك ولبيت=صوت الحنين اللي فهقني وبكيتك جرّيت آهات العنا يوم هجّيت=عذب القصايد داهمتني وقريتك ياما سقيت أرواحنا ثم أرويت=ضمأ لهيب الصمت يومي رويتك ياما رسمت الحلم وياما تهقويت=تبني صروح أحلامنا وما لقيتك ياشين وقت فيه حبك تماديت=وأجمل بدايات الوله يوم جيتك عيشتك في بعدي ولا عيشتي ميت=ما أنذل لو عزك منح صدر بيتك حظي رماني للشقى وإنت فلّيت=لا إنته بديت الحب ولا آنا نهيتك اسهر طوال الليل عني تباطيت=أسمع سواليفك وأبد ما عصيتك برمي الوله والحزن وأرمي التناهيت=وأرمي الليالي دامني قد بكيتك وبيت الغرام اللي بنيناة ياليت=ماجيت تهدمني بعد ما بنيتك أونّ من بعدك وبالصوت حنّيت=تشهق لك أنفاس الحكي لا طريتك كني على جمر الشقاوي تقهويت=فنجال جرحك صبنّي ما أرتويتك ملفاي مقدام الوفاء يوم دليّت=جرحي دواه البعد وعني رميتك واليوم والله دامني قد تقوّيت=بعيش بشموخي وأبد ما نخيتك ( نجد الضــــاوي )

روعة ابياتك

تستحق أن أقف أمامها

بكل إحترام و أعجاب و تقدير


أخوك

أمـيـ الشعر ـر