ياللي تبي مني جديدالقصايد=يدفعك شوق اعجاب تبغى جديدي
عطني دقايق واستمع للجدايد=خل اتريح والفكريستهيدي
وابشربعلمي ياوسيع البنايد=من راس مايحتاج ايميل وبريدي
اناالذي فارق منام الوسايد=واصبح لراسه هم قلبه وسيدي
ترزم عليه مزلزلات الرعايد=وهموم قلبه كل ساعه تزيدي
والفضل لله مامشى بالنقايد=ولاخاف من لوم الملاوالنقيدي
مشيه على وضح النقى والعوايد=ماقدشكى منهن سموم وجليدي
واليوم عاش الحزن عقب الرغايد=ماجت له الدنيا على مايريدي
باسباب من زينه على الكل زايد=حبه تغلغل وسط دم الوريدي
في عيني انه للجميلات قايد=حبه شعل وسط الضمايروقيدي
ماتنطفي نارالصدروالوقايد=الاان حظي والسعدله يصيدي

.
:

صح لسانك يا ابراهيم

نص متعمق

مفرداته اصيلة .

أشكرك على هذه القصيدة..

تقبل ودي.. وتقديري.
.
.
.