|
( قـلـبـاً و قـالـب )
بسم الله الرحمن الرحيم السلام عليكم ورحمة الله وبركاته يسعدني ويشرفني وكما عودتكم ان اقدم لكم هذه القصيده الغزليه من جديدي وهي بعنوان ( قـلـبـاً و قـالـب ) .. وأتمنى أن تحوز على رضاكم وتنال اعجابكم ... لو غبت عني والظروف أبعدتنا=أنا معك يازين قلباً وقالب وإن طال بعدك أعترف ماسكتنا=دايم على ماقيل فيكم نطالب دام المحبه والغرام اجمعتنا=صرنا أنا وياك موجب وسالب نجذب بعض مير الحيا فرقتنا=والحظ الأقشر كل الأوقات غالب وان قلت لي عادك على سالفتنا=الكل يعرفني كثير المقالب لولا التفاؤل يابن الأجواد متنا=وإن كانت الدنيا علينا تكالب وجهك ياوجه الخير دونه ثبتنا=لأنك ترا يازين للخير جالب وفقه من الله ثم حبك كستنا=نجحت أنا من بعد ماكنت طالب ولا الليالي قبلكم ناشبتنا=كني فريسه والليالي مخالب من يوم حبك شفتها هملتنا=ماعاد ترجع لي ولا بي تطالب وأبياتنا من حبكم طاوعتنا=لعيونكم قفت على قاف آلب لو هيروشيما* عن غرامك حدتنا=ببقى معك يازين (قلباً وقالب) وسلامة الجميع.. *هيروشيما : هي قنبلة ذريه نوويه تحتوي اليورانيوم تزن أكثر من 4.5 طن وأخذت اسما هو "ليتيل بوي" على مدينة هيروشيما في اليابان ف ي السادس من أغسطس سنة 1945..( الله يكافيكم شرها :) ).. وتقبلوا تحياتي،، محبكم ( بدر بن صقر العجالين ) |
صح الله لسانك ياولد عمي وبيض الله وجهك وداااااااااااااااااائما مبدع ورااااااااااااااائع تقبل مروري الذي شرفني اخوك عبدالرحمن |
نجذب بعض مير الحيا فرقتنـا والحظ الأقشر كل الأوقات غالب وان قلت لي عادك على سالفتنا الكل يعرفنـي كثيـر المقالـب صح لسانك .. قصيده رائعه وأنت حضورك دائماً مختلف . والله يعطيك العافيه . تحياتي لك . |
صح لسانك
|
الغالي الشاعر بدر العجالين الله يسعدك كما اسعدتنا بهذه القصيده الشامخه واغزليه الجميله بجمال روح شاعرها المتمكن والمبدع وصح لسانك وعلا شانك يالغالي تقبل تحياتي |
دام المحبـه والغـرام اجمعتنـا
صرنا أنا وياك موجب وسالـب صح لسانك ولاهنت لك مني أجمل تحية . |
صح السانك يابدر مبدع
واتمنى لك التوفيق |
الغالي الشاعر بدر العجالين الله يسعدك كما اسعدتنا بهذه القصيده الشامخه واغزليه الجميله بجمال روح شاعرها المتمكن والمبدع وصح لسانك وعلا شانك يالغالي تقبل تحياتي |
.
. . الشاعر القدير / بدر بن صقر العجالين أسعد الله أوقاتك يالغالي بكل خير قصيده جميله أخي الكريم لا نملك معها إلاً التصفيق بإعجاب لهكذا شاعريه ... دعواتي لك بما يسعد روحك ... |
صح لسانك بدر قصيدة رائعة وجزله يعطيك العافية |
| الساعة الآن 02:20AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية