قليل الأصل ما يحفظ جميله = كما .. الما.. يوم تصبه بالغرابيل
ولجل المنفعه كم له وسيله = كما العود تستوي فيه المواويل
وكم معروف من خنجر قتيله = وكل اخلاق في وجهه مقاتيل
إذا في حاجة ٍ جاك بذليله = واذا جيته طــَــفى نور القناديل
يعيش العمر في نفسن عليله = وينزل من عيون كل الرجاجيل
ولجل القرش هانت له خليله = وعبد القرش يسجد للتماثيل
وكم أيمان طلق له حليله = وفعله بالحرام باهله مفاعيل
تذمم لان في حظه قليله = ودمع العين يسكب بالمناديل
فكم يشكي على عابر سبيله = وكم يبهت عروضن بالأقاويل
على حبله نشر أوسخ غسيله = وكنــّـه قد جمعها في البراميل
وانـّــه لو اخذ شين بحيله = فأطيب ناس سماهم مهابيل
فمكر الله قادم بايجي له = ومثله عبرةٍ فيها الأماثيل
ومكر ابليس فوقه بايشيله = كتاب الله يشهد بالتراتيل
إذا ضاع الحيا ما شي بديله = ولا تسمن ولا تغني التفاصيل
ألا .. يا وقت قل لهل الفضيله = جواد الأصل ميسور التساهيل
يعز ّ الله عربان وقبيله = ويمحق كل داعي للأباطيل
فشوف الورد كم له من فصيله = يظل الفرح فيها والأكاليل

الشاعرالقديرميلاد اليماني
صح لسانك وعلى شأنك
احييك على هذه القصيده القيمه
بماتحوي من معاني ساميه
واقف لك تصفيقا"
ابدعت فيها ماشاءالله عليك
ولاتحرمنا جديدك
لاعدمناك
دمت بخيرومحبه