جيت المكان اللي قبل عام جيناه=لو ان جو اليوم ماهوب جوّه
اليوم ضيق..وهم تفريق..بتلاه=والعام حب..وشوق غالي..وخوّه
جيته..وشفت اللي بقى من بقاياه=ما عاد ينفع قول ليته..ولوّه
أجنبه مع كل درب يتعداه=ما لي على بعض المواقع جروّه
درب الشقى حطيت رجلي بمبداه=ووقفت في مبدا الطريق المتوّه
ساعة وقفته عاود القلب ذكراه=ولحق على قلبي من الوقت سوّه
قامت تهدم وسط صدري زواياه=وهلت من الذكرى على الخد نوّه
انا احسب ان من يوم قفت مطاياه=ماعاد باقي بالحشا كون ضوّه
أثره ربيع القلب.. وأوله.. واتلاه=وتوه تحت لب المحاديب توّه
ياوقت..تكفى ..بس لحظات وياه=كود العليل يعجّل الله بروّه
وقفة غلا..تمسك يميني بيمناه=وبعد الوصال اللي تسويه سوّه

المشاركة الأصلية كتبت بواسطة سفير المعاني (المشاركة 348813) الغالي الشاعر سعود الدوسري اهلا وسهلا بك والف الف مرحبابك ولقد اسعدني ان اكون اول المصافحين لهذه القصيده الاجمل من جميله و الاروع من رائعه بما تحمله مضمون وشعر وايقاع مميز انت مبدع وصح لسانك وعلا شانك مليون ولايكفون تقبل تحياتي

المشاركة الأصلية كتبت بواسطة زمان العجايب (المشاركة 348821) ياوقت..تكفـى ..بـس لحظـات ويـاه كـــــود الـعـلـيــل يـعــجّــل الله بــــــروّه لله درك من رتق احساسك المعتق بفخامة الاطلال في نبضك يـ سعود الدوسري انحناءة ياسمينة

المشاركة الأصلية كتبت بواسطة خيّالـهآ (المشاركة 348835) الله عليك ياسعود / صح السانك واعتلا شانك قصيده تحاكي الوجدان والمشاعر تحياتي ,,