معاك وقبلك وبعدك حبيبي خاطري مكسور = ولكن ماأبي تكسر خواطر شعر مـن شأنـي
حبيبي والشعر دمي نزفته والجـروح غـرور = أعديبـه أرماحـي للصـدر وأشـق وجدانـي
أحبه وأعشقه مثلك فديتك ماتجي بقصور = مـدام أنّـي أقصّـر قامتـي حتـى يتْعلانـي
وانا لامـن تعلابـي وعلّيـت المسـاء بالنـور = يصير الصبح يدخلنـي معـاه بكـل بيبانـي
لأني لأنطعنت من البشر ماأحب شعر الـزور = وأنا زوري قصيد ليا صدق في زور بهتانـي
أحس أني بديت أبني عليّه من قصيـدي سـور = عليك أن طلت ساسه ياقصيد اللـي تحدانـي
تعبت من الصور اللي تـلـمـع أبسـط الميسـور = وأنا والله أخلـي أصعـب الميسـور بأمكانـي
لأن البوح روح النفس صبحٍ في نفس ديجور = وتعال أن كنت شاعر وأعّـلـمـك وشلـون تلقانـي ؟
أدوّر حْب وهمي وأن شكيته صرت به معذور = إلى مني بغيت أخدع جميـع النـاس بأنسانـي
ولكني أعبّر وأعْرف إن الصـدر فيـه قبـور = وأنا ياما دفنت ْبه أصدقاي وبعض خلاّنـي
هذاك اللي يحب ويشتكي للناس كثـر الجـور = وهذاك اللي يشع بظلمتـي ويّطفـي أركانـي
مدامه حي فالميت وقوفـه للزمـن مقـدور = وأنا مالي وماله كان طحـت ولا تعدانـي
سما الشعّار نار ليا أمطرت مي القصيد يفور = لذا من أشعل النار بخفوقي كيـف طفانـي
أحبه من هنا حتى مواجـع جرحـه المحفـور = على صدر الصخر في جنب قلبي وسط وجداني
وله عني ثلاث أيام وأدري له ثلاث شهـور = مـدام أن الزمن في ذمـة اللـي بيتْحرانـي
ياعمري والزمن أعْرف مطاليبه تقص ظهـور = جمايل والرجل لامن تجّمل صـدق سمانـي
إذا هذي الحياه أتظيق أوسع من صدر عصفور = رسمتك في براءة ريش عصفور الزمن ثاني
كبرت بها التعّري وأنصغرت فبوحي المكبـور = حبيبي داخلك شف عمر حبك ويـن ودانـي ؟

يامظمن الصوره من الشوق طاروق = حرفٍ صدح بالصوت من زود شوقه
الله يلوم اللي نوى نية البوق = وقلبٍ تحبه كيف تقـدر تبوقه ؟