فـجــر حــزنـي !!
أنا غريب وغربتي في عيونك = لها مدارات ومسافات وأبعاد أحس شعري لو رقا فوق دونك= وأهيم في ثورة مشاعرك وانقاد وأن مرني ليلن تشيله متونك =فجرك سكب حزني على رؤس الاشهاد ماعاد في صدري مكان لطعونك = الجرح ينزف واكثر الصبر مافاد فعلاً غريب أطوار .. لكن ظنونك = تلعب بفكري بين رغبات وعناد أيه أوهّموك وحالوا يخدعونك = وتاهت بك الخطوه على كف صياد تدرين ؟ روحي يمهم أو يجونك = ماني عن اللي خلف الاسوار نشاد قتلت حلمي يوم شمسه بكونك = غابت وأنا حزني مسافات وأبلاد مادام خنتي وأحدن مايخونك = ماعاد في قلبه للاشواق ميلاد تدرين ليه أقفيت لاني بدونك = أرتاح لو ليلي تناهيد وسهاد أنا سما وأنتي مداهم عيونك = سويلهم في ليل الاشواق ميعاد تدرين روحي واتركي من يصونك = لانتي هوى نفسي ولاهم لي أنداد . . |
لليل رهبه تشبه عيونك السود = ياويل حالي كل مايقبل الليل "أسج ماكني مع الناس موجود = وأسرح بفكري وش تجيب المقابيل " |
[تدريـن روحـي واتـركـي مــن يصـونـك
لانتـي هـوى نفسـي ولاهــم لــي أنــدادquote] [/quote] نهاية بشموخ وانت الشامخ ايها العملاق تسجيل حضور استاذي ولك الود والتقدير |
منصور الرويلي
صح لسانك ولاهنت قصيدة رائعة عناقيد من الشكر لذاتك أسيرالآآآه |
الشاعر
منصور الرويلي صح بوحك كن بخير |
منصورالرويلي\
امطرتنابسُحب العتب حتى ضاقت المخارج صصصصصصح لسانك ياراع العليا طبت\يامنصووور |
خالد البرمان
هذا من طيب ذاتك وذائقتك تسلم على الحضور والاطراء دام توهجك |
دمت مبدع متميز متألق شامخ بطرحك وأسلوبك الراقي تقبل مروري |
الشاعر منصور الرويلي
صح لسانك تقبل مروري مشاعر .. |
( مجاراة رائعة للشاعر القدير الاخ الغالي / خالد البرمان ) .. ( فجر حزنك ) .
ضــِدّْ الهزايم شامخات ٍ جنونك =الله يسعد روح مجناك من غاد ياسيف ربعك جعل ربك يصونك=أبهّرتني يا الحاسم وربنا الهاد أذهلتني وأصبحت فجري زبونك=وأسقيتني روح الحيا عقب الازهاد أشفيتني فكر ومعالي فنونك=بلسم وراحه فوق ترطيب الاكباد من حقهم ياصاحبي يجتبونك= راسي ونبعك نبع واسنادك أسناد وهبه من الله يوم يمنحك لونك= اللـِّي فـَرَق ترتيبك بواسع الضاد تَفْخر (قبايل وايل) بشوح بونك=ياواسع المفهوم .. يالواضح الباد مليار صح لسانك وشمس كونك= منها الكسا عن زمهرير العرى جاد تعال نجمع كل جمع ٍ يعونك= وأن ماوعوا نصبر لتجمّيع الاعواد يالسيطره شعبي كذا .. يرغبونك= بـّدل فجر حـزنك على شاني أعياد . . |
الساعة الآن 08:10PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية