ياهجوس ٍ سرت شوقي وعدت لامال=حلم عمر(ن)تبعثر به بقايا إعنادي
لا تشتت بعض صوت ٍلاغنا يامال=ماسمع بالشواطي صوت يشبه عبادي
وينشد الكوبليه الي ماقبل الموال=ليه بكى صداه وليه صفق بيادي
قال الاحساس أنا اوصل عميق السؤال=وينخلق للاجابه روح حب وتفادي
تنبعث بالمعرفه والسمو والجلال=وإيترعرع بداخل كل عضو ٍ أحيادي
لن ماب الفضول الي يزين جمال=والتحسس يشوه كل معنى المبادي
ويش جاب السؤال الي جوابه محال=خلنا نخرج لجو ٍ نحبه وهادي
معك يالي على بالي الوفا والوصال=لأن طيفك يشكل بالملامح ودادي
وينشدك من خلالك عن دوافع أهمال=قلبك الي مطنشني وشوقي ينادي
كنه الي كتبني بالملامح تعال=وكنك الي تحاول مسحتي واجتهادي
الصراحه فجر مطلع والريبه أظلال=والتخلي ملامح للشحوب الرمادي
مابقي بي بعد موت الامل أي امال=البقا فيك ياشعر ٍ تعزي فؤادي
شف ظلوعي اوجار وشف حروفي ادلال=والتنهاد جمر(ن)ماانخلق به رمادي
كل ماتقدح الذكرى يزيد اشتعال=والهواجس على الغفوه تحرض اسهادي
وش يقول المحاصر بين غار وملال=غير يخرج من أكناف السكوت وينادي
ياشعور الثقه بالمقدره والنضال=قوتي من رباط خيول شعري أعتادي
والله الي خلق روحي عليه اتكال =عبده الي يخافه مايخاف العبادي
وحده الي له الامر وصفات الكمال=واحد ٍ ماعرف ربه لويدل غادي
لفني صوت ابو نوره وانا كنت عال=وشدني للقصيد بشي ماكان عادي
قلت اجاري صدى بيوت الامير الجزال=وسار ركب القصائد بين نادب وحادي
ورعدت فوقهم غيمة وله من خيال=ووتلع عودي الازرق وأنا الشعركادي
لا نفث من عطرنفحه ماخلا مجال=همسه صياح وسكوته وقار وتنادي
ورغم هذا الغرق والعمق يبقا زلال=سيد الشعر خالد مروين كل وادي
وعذر تلميذك إنه ماقدر لحتمال=دافع الشوق حتى سلني من غمادي
ومن غوى بنسج خالد يهتدي للجزال=ولاني احب تحريري كرهت اضطهادي
ماني الي يسير من يسار لشمال=والشعر ذوق يلي تجبره بالعدادي
والمجلات مايصنع ورقها الهزال=وراعي الصنف يعرف صف هرج الدوادي
وحرم دز المساج الي يسمى حلال=مثل من نصب التابع وحطه قيادي