أنا مــناي مـــع الخلاء خــوه الطير
فــي مهمهن بعيد عــن كـــل غاوي
ياماحلــى المقناص ويـــا المناعير
وخــوه نشامــا يبعـــدون المنــاوي
نمشي خفاف مانحسب المخاسير
ومعنـــا حـــرار يطــربــن الجـــلاوي
وقـــت المضحا في فياض مخاضير
يزين شــــرب الكيف وسط الغناوي
ودكــو عليهـن والحبـــاري مـــزابيــر
يطـــرب لهـــا رف الجناح الـــرهاوي
نهـــد طــيــور صـــارمـــات بـــواتيــر
عوق الخريش الي مع الليل ضاوي
عازم على المعبار ومواصــل السير
يسقط علية مـــن الخضيرا فـــداوي
وقت المعشــا زان بـــدع التعـــابير
نطــرب لـــذيب بين الاظلاع عـــاوي
وعلى شبوب السمــر جـــينا دواوير
كـــل بدع قـــافـــة بـــزين الحكاوي
والصبح كــلن عـــارف خطــة السير
يـــوم البـــراقـــع نطلـــت بالعــزاوي
هي طنخة المشتاق ويا المشاهير
لــولا القنص كثــرت عليــنا البــلاوي