تذكر لهم بيت شعر او قصيدة .........
مرحبا بكم
هذه فكره وهي أن كل واحد يدخل ويضع اسم شاعر أو شاعره واللي بعده عليه انه يجيب بيت أو أكثر للشاعر او اشاعرة ولا مانع من تكرار اسم الشاعر او الشاعرة لكن بشرط ألا تتكرر الأبيات نفس الابيات. / / / / ولان المنتدى منتدى شعراء ما شاء الله فا راح يكون الحظور طيب وخلينا نشغل الذاكرة بسرعة إن شاء الله الفكره عجبتكم وتنال رضاكم وتفاعلكم ,, وراح اطلب بيت او قصيدة (( للمرحومة عابرة سبيل)) http://www12.0zz0.com/2009/06/14/18/356058494.gif |
فكرة حلوه ورائعه
عقب البطا أرسل عليه سلامه يطلب ويرجيني يبي تضحياتي مقدر اضحي بالشرف للملامه وأمومتي ترفض أيتّـم بناتي ان ما حصل لقياك يوم القيامة ماظن تحصل شوفتي ياغناتي (عابرة سبيل ) اللي بعدي نورة الحوشان |
زمان العجايب..وافارك عجايب دمتي كما..تحبين
ياعين هلي صافي الدمع هليـه وليا انتهى صافيه هاتي سريبه ياعين شوفي زرع خلك وراعيه شوفي معاويده وشوفـي قليبـه من اولٍ دايـم لرايـه نماليـه واليوم جيتهـم علينـا صعيبـه وان مرني بالدرب مقدر احاكيه مصيبةٍ ياكبرها مـن مصيبـه اللي يبينا عيت النفـس تبغيـه واللي نبي عيا البخت لايجيبـه م ط ل و ب((شقير.الجذع)) |
وهذه ابيات للشاعر شقير الجذع العتيبي
صبرت صبر ايوب لين الصبر راح راح الكثير ولا بقى الا قليله قلبي كما طيرٍ دعيله بملواح هواه نجد وجلستي ويش هيله وجداه يا شمة ذعاذيع الارياح في نجد غب مروحٍ سال سيله من الحجاز ليا شروره والاسياح ما به شعيبٍ ماتدارج مسيله ديرة مكسرة الجنابي والارماح ماهو بدار مصلحين البليله دارٍ بها عشنا شريفين وصحاح ما قيل ذي جربا وهذي عليله يازينها لو عيشها صعب وكفاح وياحلوها لو شربها حنضليله المطلوب (( ريمية)) |
ريمية
غرفتي بكل إمتداد .. فايضة مثل انحساري .. فوضوية مثل حلمي .. مخلصة مثل انكساري .. معشبه مثل الضلوع .. ممطره مثل الحنين .. مزهره مثل الرجوع .. عن الصحاب الخاينين .. عالمي الخاص المثالي .. أدفى من جنة خيالي .. شاهده على بعض عمري .. ضاحكه من بعض آمالي .. باكيه في كل حزني .. دافيه حيل وحميمه .. مفعمه بالعطر واسمى .. قبل تسع سنين كانت : سجن مثل الزيف بارد .. بعد عشر سنين صارت : كون مثل الشعر واعد .. دنيتي الأكثر أمان .. حضني الأصدق حنان .. لما جربت اللي برا .. عدت للوحده الصديقه .. هنا بس أحس نفسي .. طير له حريته .. وظبي في محميته .. المطلوب (( وهج)) |
وهذه القصيدة للشاعرة (( وهج))
تصدق يابحر انك تشابه بالعطا قلبي وتصدق يابحر انك تشابه بالغدر خلي تشابه منهو حبيته وبديته على نفسي هذاك اللي توقعته ينور بالوفاء دربي احبه وشايل همي ادور عنده الراحه تخيل لما يلمحني--- تجيني تركض اجراحه اذا صديت ناداني واذا اقبلت خلاني واذا قلبي نوى الفرقه يعشم قلبي بافراحه ابعرف يابحر ذنبي وش اللي بعمري سويته انا ما اذكر اني بيوم جرحت انسان وابكيته وجرحي اليوم علمني عشان اني على النيه تعب قلبي وتعبني ياليته يقسى ياليته ابسكت يابحر وامشي واخلي ضيقتي فيني ابسكت وابتعد عنك وادور من يواسيني تصدق يابحر اني؟؟ توقعتك تشيل اهموم ولكني اكتشفت انك غرقت بدمعه من عيني المطلوب (( مطلع الشمس)) |
وهذه قصيدة الشاعره
مطلع الشمس إنسحاب أعلنت لك حبِّي وتالي انسحابي ... من قلبك القاسي وقلبي جبرته حبٍ عفيفٍ وافيٍ ما يعابي ... حبٍ كتمته وسط جوفي وصنته علَّقتْ فيه آمال عمري وشبابي ... ياما تمنّيته وياما انتظرته حبٍ سكن ما بين جفني وهدابي ... واللَّه ما تتصوَّره لو وصفته لا واعذابي في الضماير سطابي ... بيدي حييته ثم تالي دفنته إنته معاناتي وسبِّةْ عذابي ... وانته الذي فرحي ونومي سرقته ضحّيت لعيونك وسكَّرتْ بابي ... عن شوف غيرك والغرام احتضرته رسمت لك لوحه وصارت سرابي ... وبيّنت لك خافي شعورٍ كتمته هذي النهايه يا مسبِّب صوابي ... سامحك ربِّي في فوادٍ حرقته المطلوب الدكتورة سعاد الصباح |
للدكتورة سعاد الصباح
كن صديقي كم جميلاً لو بقينا أصدقاء إن كل امرأة تحتاج أحيانا إلى صديق و كلام طيب تسمعه و إلى خيمة دفء صنعت من كلمات لست تهتم بأشيائي الصغيرة و لماذا .. لست تهتم بما يرضي النساء ؟ كن صديقي إني احتاج أحيانا لأن أمشي على العشب معك و أنا أحتاج أحيانا لأن أقرأ ديواناً من شعر معك و أنا كامرأة يسعدني أن أسمعك فلماذا أيها الشرقي تهتم بشكلي؟ و لماذا تبصر الكحل بعيني و لا تبصر عقلي؟ إني أحتاج كالأرض إلى ماء الحوار فلماذا لا ترى في معصمي إلا السوار ؟ و لماذا فيك شيء من بقايا شهريار كن صديقي ليس في الأمر انتقاص للرجولة غير أن الرجل الشرقي لا يرضى بدور غير أدوار البطولة فلماذا تهمل البعد الثقافي و تعنى بتفاصيل الثياب؟ كن صديقي انا لا أطلب أن تعشقني العشق الكبير (لا أطلب أن تبتاع لي يختاً و تهديني قصورا وتمطرني عطراً فرنسياً)* و تعطيني مفاتيح القمر هذه الأشياء لا تسعدني فاهتماماتي صغيرة .. و هواياتي صغيرة و طموحاتي هو أن أمشي ساعات و ساعات معك كن صديقي فأنا محتاجة جدا لميناء سلام و أنا متعبة من قصص العشق و الغرام و أنا متعبة من ذلك العصر الذي يعتبر المرأة تمثال رخام فتكلم حين تلقاني لماذا الرجل الشرقي ينسى حين يلقى امرأة نصف الكلام؟ و لماذا لا يرى فيها سوى قطعة حلوى و زغاليل حمام و لماذا يقطف التفاح من أشجارها ثم ينام؟ المطلوب غريبة الدار |
غريبة الدار
تعبت أسامـح الأيـام واقول الزمـن معذور تعبت أشربها سكر .. حظي المتعوس وانكادي على نفسي كذبت وعشت في كذب الأماني شهور وعايشـت الأمانـي .. لين ذقت الغبن وسهـادي وبدا ميلاد قلبـي من عرفـتك بالبها والنور وتباهيت بطـلايع طـلـّتك في يوم ميلادي هـو اليوم الوحيد اللي ترك فيني وفـا وشعور وهـو اليوم الوحيد اللي حرمني روعة أعيادي وفـاق القلب من حلمٍ تنثّر وآخره مبتور على صوت الحقيقه والفـلاح يصيح وينادي ورجعـت لخالـقٍ يجعـل نهـاياتنا فنـا وقبور وطلبت العفو من وجه الكريم المشرق البادي المطلوب قصيدة (( لشاعرتنا المحبوبة رهب)) |
قصيدة للشاعرة رهب
على حطة يدك صدق يمر اليوم مثل الأمس مواجع والالم يكبر تمادى بي .. وهم يزيد وملينا من الترديد نقول احوالنا صعبه ونشكي الذل والتنكيد نقول الحال ما هو حال حنا نعيد به ونزيد على الأنغام نتمايل تبكينا القريب بعيد وابو خالد يجر الصوت يهز الروح بالتأكيد وابو نوره اليا غنا وطنا وراية التوحيد " " " مخرج " " " اشتاقت الروح الفرح اشتقت للبسمه لساعات المرح اشتقت اعانق لهفتي .. لشوفة حبيب قمت التفت حولي ومن حولي اكيد همي وافكاري وانا وبعض ابيات القصيد حولي اوراق .. ودفاتر ودمع عيني وصمتي الغث البليد انطوائي ووحدتي حزني الضيف الوحيد ودي اصحى من سباتي اتحرر من سكاتي اذوب جبال الجليد ابتسم من روح روحي للي قادم من بعيد اطلق مسافاتي فرح للواقع القاسي العنيد واحلامي ماتت غافيه ما بين دمي والوريد بعود ثاني للحياه اقطع خطوط الفقر واقلب الايام عيـد الغي مفاهيم الحسد والظلم واللي مستفيد والغيبه نمسح اسمها عند الله بس مفهومها غـيبه وكيد ودي وكم ودي كثير احتاج لي مليون ايد ومليون صاحب ما طعن صاحب المطلوب صدى الحرمان |
الساعة الآن 08:51AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية