بسم الله الرحمن الرحيم

السلام عليكم ورحمة الله وبركاته

كما عودتكم على موافاتكم بكل ماهو جديد يسعدني أن أقدم بين أيديكم هذا النص المتواضع واتمنى ان ينال اعجابكم ورضاكم أيها الأحـبـه:)

للإستماع(إلقاء)
×
×
http://www.youtube.com/watch?v=YsC0GrPRufE

أقـــول :

يازين لا تغتر فالأموال ذا طبع(ن) مشين=إلزم احدودك وبعض الهرج به سم البدن
لا تحسب العالم على كيفك وكل(ن) لك رهين=لا يغرك جنب ربعك كان اهو توه سمن
خابرين العلم مبطي كان واضح او دفين=مير خل البل تسرح مانبي نضرب هرن!
تغيرت الأوقات وأهل الفعل راحوا من سنين=منهم منفي وكم واحد توفى واندفن
يابنت هذا الوقت صار الرخص هو حق الثمين=والرخم ياللأسف ذا الوقت غالين الثمن
اليمين يسار امسى واليسار امسى يمين=بوصلة الأيام دجت والسبب أهل الفتن
كان شفت الوضع مزري او ظهر شكلي حزين=الله يجازي ياحسين الدل نكبات الزمن
الزمن شيّب في راسي يوم انا توي جنين=وأشتد عودي من كثر ضربات وقتي والمحن
من سبب ذا الوقت شفني شاعر(ن) دمعه كنين=يصهر الآهات وسط القاف وأنغام الشجن
أظفر بشعري وأدور دايم الطرق السمين=وأخاشر الشعار في يمناي من نفس الصحن
ماني اللي فالمواقف دوم مكتوف اليدين=لو تموت الناس من حوله تجمد كالوثن
أحمدالله دايما حيث ان يندى لي جبين=يفور دمي فالمواقف وآتعزوى في حـسـن(1)
بن حـسـن كنه لواء رتبه على كتفه تبين=لازم تحييه لازم وانتبه كان انغبن
لا زهمته مايهمه أبشـر بجنب(ن) متين=مايهمه كان ابن لادن على بيته زبـن
ترثةٍ للعود جدي كاسب المجد المبين=زايـد الملطوم كن طاريه لي مثل الشحن
سد مـآرب ديرته بالضبط أنا بعطيك وين؟=شمال شرقي انتبه لاجيت ظاهر من عدن
يجلب اسمه للدواسر كلها مثل الحنين=تعتزي فيه الدواسر كلها كنه الوطـن..!
بعد ذا يابنت أنا ماني على ماتشتهين=انتهينا ردديها وأنشدي أحزن لحن
انتهى طاري السعاده وانتهى حلم السنين=والفرح يابنت كيكه ولعت وسط الفرن.!
أذكري حاولت أزين مير عيت لا تزين=المحبه كنها الحوثي وانا صرت اليمن..!
فوق شين الوصل والحقران صرتي تنفخين=بالدراهم والمكانه والوجاهه والوزن
الله أكبر عاد لو (بيل غيتس)2 للوالد يدين..؟=عاد لو انكم هل النرويج(3) والباقي طمن..!
(انتهينا) أفضل التعبير روحي لا تجين=قالها قلبي على التلفاز وأظهر للعلن..

المشاركة الأصلية كتبت بواسطة عبير الروح (المشاركة 235470) (انتهينا) أفضـل التعبيـر روحـي لا تجيـن قالها قلبي علـى التلفـاز وأظهـر للعلـن.. صح لسانك ولاهنت على الكلمات القويه في معناها ونعم بال حسن و لاد زااااايد كلهم ....... تقبل مروري عبير الروح

المشاركة الأصلية كتبت بواسطة سفير المعاني (المشاركة 235544) الغالي الشاعر بدر بن صقر العجالين الله انه يسعدك ويوفقك بجميع اوقاتك اسعدني مروري على متصفحك ومصافحة هذه القصيده وما حوته من مضمون كفو يا بدر وصح لسانك وعلا شانك ولا هنت وتقبل تحياتي

صح الله بدنك وماعليك زوود ياسفير الطيب واتمنى لك المثل والله انك تحرجني بدعواتك الطيبه يالذيب:)

مشكور ولاهنت على المرور الكريم..

تقبل تحياتي،،

المشاركة الأصلية كتبت بواسطة السالم (المشاركة 235861) بدر العجالين قصيده والقاء جميل صح لسانك

صح الله بدنك تسلم على الاشاده يالسالم:)

مشكور ولاهنت على المرور الكريم..

تقبل تحياتي،،

المشاركة الأصلية كتبت بواسطة مجاهد (المشاركة 236130) بدر قصيده والقاء جميل استمتعت به صح لسانك

صح الله بدنك وتسلم على الاشاده يالغالي:)

مشكور ولاهنت عى المرور الكريم..

تقبل تحياتي،،