هذا الصرح الشامخ ادبيّا وفكريّا

اضع هذه المتواضعه بين ايديكم

عساك بخير يازولٍ صدفني فالطريق عصير=بعد طول البطا شفته وانا للشوف توّاقي
عساك بخير والنظره تفوح من الغلا تقدير=شذاها من قديم الوقت واحيت ذابل اشواقي
تغانمت الوصل شفقان لايامٍ لها تأثير =بقت في صفحة الذكري تعيش بوسط خفّاقي
حبيبي وان كبر جرح الغرام وبان بك تقصير=تبى تبقى حبيبي والرجا في عودتك باقي
قسم بالله ما غابت طيوفك عن سما التفكير=ولكن غابت الفرحه وخابت هقوة الهاقي
اصبر نفسي بفقدك بعد ماذيّرت تذيير=واقول انك ولهة لشوفتي واشتقت لعناقي
واناظر للزمن يمكن اشوف لغيبتك تبرير=وتاقف شرهتي خجلا بعد ماكلّت احداقي
وقف عمر الفرح بعدك ولا ادري وش بعد بيصير =رجيتك لاتموّت ضحكتي في قصّة فراقي
انا اللي سمني هجرك وكدّر خاطري تكدير=وانا اللي من نهار البعد حزني يسكن اعماقي
عساك بخير من صدق المشاعر قلتها يا طير =تمنّيتك علي غصن اللقا واكشفلك اوراقي

[table1="width:100%;"]

[table1="width:95%;"]

المشاركة الأصلية كتبت بواسطة ممدوح هلال العنزي (المشاركة 181298) قسم بالله ما غابت طيوفك عـن سمـا التفكيـر ولكن غابت الفرحـه وخابـت هقـوة الهاقـي اصبـر نفسـي بفقـدك بعـد ماذيّـرت تذييـر واقول انك ولهـة لشوفتـي واشتقـت لعناقـي قسم بالله انك رائع صح لسانك وتسلم على القصيدة الجميلة لك تحياتي وتقديري تقبل مروري المتواضع دمت بخير