|
( الـشـعـر بـنـدق والمـعـانـي نـيـاشـيـن )
يالفارس اللي ماتهاب الميادين =وذي عادة الفارس ليا طب ميدان
الشعر بندق والمعاني نياشين =والقصد واضح والهدف رمي نيشان الشرق الاوسط يرتجف بالسلاطين = أن قلت وايل ردد الكون ويلان حنا هل الفزعه حرار الشياهين = وأهل الحميا لاغشى الجو دخان ماهمنا لو العدو دولة الصين = حنا كسرنا عرش كسرى وهامان يشهد لنا التاريخ أول وهالحين = أبشر بفزعه شأنها بالعرب شان والمعذره توي قريت التلاحين =وجتني كذا فزعه على شكل قيفان والا الشعر حنا هله قلهم وين = ماني معدد والزمن شاهد أعيان . شعر / منصور الرويلي هذه الابيات الجميلة التى اعجبتني قمت بمجاراتها بهذه الحروف على أمل ان ترقى لذائقتكم الراقية ... .... يامرحبا ترحيب غالي بغالين = أقولها باخلاص من قلب ولسان
هديتك ليّه على الراس والعين = يبقى لها تذكار مع طول الازمان تعيش يانسل الحرار الكريمين = قدرك رفيع وعند مثلي لكم شأن وأنا اليا مني رميت النياشين = أصيبها باذن الولي عالي الشان الطيب هقوه للرجال الوفيين = والصدق قوله كنه الصبح لابان الحق أبقوله على الزين والشين = حتى لو أنه يغضب فلان وفلان الصدق تلقى له دليل وبراهين = والكذب يظهر لك على غير برهان (ماهمنا لو العدو دولة الصين = حنا نزعنا قلب رستم من أزمان) ويامرحبا ترحيب غالي بغالين = أقولها باخلاص من قلب ولسان . شعر / الفلاحي . ..... |
مجاراه رائعه
الفلاحي صح لسانك ولسان منصور تحياتي |
الغالي
الشاعر الفلاحي الله انه يسعدك بجميع اوقاتك بالخير اسعدني مروري على متصفحك ومصافحة هذه المجارات اللتي اجدت بها صح لسانك ولسان منصور ولاهنتوا تحياتي للجميع |
الفلاحي
كفيت ووفيت صح بوحك ولاهنت تحياتي.. |
الفلاحي مجاراه اكثر من رايعه صح لسانك ولاهنت |
الفلاحي
صح للسانك واعتلى شانك (ماهمنا لو العدو دولـة الصيـن حنا نزعنا قلب رستم من أزمان لا عدمتك |
الاخ سفير المعاني
سعت وتشرفت بك وبحضورك |
الفلاحي
صح لسانك واعتلا شانك صوت رائع وصدى اروع |
شكراً على مجاراة قصيدتي المتواضعة
علماً ان القصيدة غير مكتملة وسوف اطرحها لاحقاً الفلاحي : دمت نقياً ودام ابداعك وتقديري للجميع بهذا الموقع |
| الساعة الآن 03:31AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية